يا اخواتي ابغى اطمنكم عني 🥰 رزقني الله السعاده😍

الأسرة والمجتمع

السلام عليكم ورحمة الله
مثل ما نزلت مواضيع اشتكي لكم وابغى حلول
والله يجزاكم خير الجزاء ماقصرتو معي
اغلب شكاويي اني ابغى اخوات وصديقات واحس بحزن ملازم لي
واحس بوحده مو طبيعيه
حاولت اجد حلول لمده 3 سنوات من زواجي وابحث وللأسف
ماوجدتها
بالعكس احس بحزن اكثر واكثر 💔
ودليل كثر مواضيع الي نزلتها هنا لعلي اجد حل
حاولت اعزم بنات ورحت لعزايم وجمعات بنات وخرجت وطلعت وسافرت وسويت اشياء كثيييييييره انا كنت اعتقد انه السعاده مربوطه بالناس و الوحده شئ سئ
لاحظت اني لما اجتمع مع البنات نغتاب موسيقى بالغلط افلام
وتبذير
بالنعمه وفشخره مهما حاولت الا مارحم ربي
ارجع وانا احس بتأنيب الضمير💔
وولدي يتعلم كلام وتصرفات من اولاد ثانين غلط 💔
واضطر اوبخه اذا كسر شئ او خرب التحاضير على الناس 💔
وقلبي بيتقطع عليه
لكن اقول دايم لا لازم اجتمع انا وولدي بالناس عشان نكون سعيدين
ولما نزلت اخر موضوع هنا لقيت كذا عضوه يقولون احنا زيك وحيدات
لكن القران وذكر الله جعلنا في جنه وسعاده!!؟؟؟🤔
استغربت ! قالت وحده من العضوات التزمي بالباقيات الصالحات
وقلت بجرب !
طبعا الحمدلله السنن الرواتب التزمت فيها وقرأت القران
واذكار الصباح والمساء والنوم
وحاولت ابتعد عن بعض البرامج الي تحتوي على موسيقى
والغيبه والنميمه حاولت اتجنبها الحمدلله كانت مشكله ملازمه لي
سابقاً
كنت سابقا دايم احط برامج تتكلم عن الزواج وسوالف نسوان وتعرفون الكلام السلبي
الي يخلي الوحده تشك في زوجها او تكره حياتها الزوجيه
وبرامج انتقاد المشاهير وتعرفون الغيبه والنمينه والمسخره
واتابع مشاهير حياتهم بذخخخخخخ 🤑
احس اني عايشه في كهف ولا املك شئ زيهم
وادخل هنا في عالم حواء قسم المجتمع اقراء مواضيع
المشكلات الزوجيه واحسها اثرت علي سلباً جدا جدا جدا جدا
الان اصبح هنا في عالم حواء اكثر قسم ادخله قسم الايمان
وانزل مواضيع دينيه احتسب الاجر فيها
وتركت المواضيع السلبيه والشكاوي
ماتتخيلون يا بنات والله انه حياتي فرقة وارتحت وراح القلق والشك
والتوتر والحزن الي كان يلازمني
واحس براااااحه وسعاااااااده جداااا
حتى كنت اعاني كثر التفكير قبل النوم ويسبب لي ارق
الان انام وانا مرتااااحه
احسني شخص جديد🤩
الان ابغى اطور نفسي اكثر واكثر
من ناحيه العبادات
والعادات اليوميه المفيده
والان عرفت انه ( الوحده )
مو شئ سئ بالعكس لما اقراء واستمع محاضرات
عن افضل الاشخاص دينياً ودنيوياً
كانو يتميزون بالوحده في تطوير انفسهم في كل شئ
حتى من ناحية طفلي اقدر اسيطر عليه واعلمه اشياء مفيده
واطلعه شخص ناجح ولا اخلي احد يأثر عليه تأثير سلبي
طبعا انا ما اقول ااني بعتزل الناس لا خطاء بس لا اجعل سعادتي في تواجدهم
بالعكس اذا جو حياهم الله اذا ماجو الحمدلله انا سعيده في
كلا الحالات
الان لو تشوفون حتى جوالي حذفت فيه اشياء كثيييييير
كانت طاقه سلبيه وتدمرني وماكنت ادري
واضفت اشياء افضل بكثييير
(ايضا الايمان بالقضاء والقدر والله انه ريحني من جميع النواحي
كل شخص ربي رزقه شئ واخذ شئ ليختبره ما احد كاااامل
مو لازم كلنا زي بعض مو لازم كلنا نمط حياتنا زي بعض)


شاركوني في عبادات وعادات يوميه تنصحوني فيها 🤩😍
واخيرا وليس اخراً من لم يشكر الناس لم يشكر الله
شكرااااااا ياخواتي وجعل الله نصئحكم في ميزان حسناتكم
ونصيحه لاتستهينون في النصح لعل كلامات بسيطه كتبيتيها
لشخص غيرت حياته للافضل واصبحت عاده يوميه انتي سببها❤️
28
6K

يلزم عليك تسجيل الدخول أولًا لكتابة تعليق.

تسجيل دخول

من بعدهم لم
من بعدهم لم
قسم بالله فرحتيني بموضوعك ياعسى السعاده والراحه ماتفارقك


المداومه على الباقيات الصالحات سعاده‍ و راحه وطمأنينه وسكينه ، تزيل من القلب الهم والحزن ، تشعر الإنسان بالرضى
هيام 2
هيام 2
باقي تسجلين في حفظ القرءان الكريم عن بعد جدا رائع ومريح ساعه في اليوم يبارك الله فيها كل يومك
أقدر أعطيك أرقام تسجيل عن بعد إذا تبين
زهرة السوسن 2000
زهرة السوسن 2000
عودي لسانك على الاستمرار في الاستغفار والذكر راحه نفسيه عجيبه
نــدى |~
نــدى |~
ادخلي دورات سواء مكياج او تصوير
او اي مجال تحبيه
الحين صايره اونلاين و بسعر كويس
جمالك سحرني
جمالك سحرني
ماشاء الله عليك
الله يثبت ويسعدك
حاولي تنوعي بالاذكار
عندك الصلاه على النبي . الحوقله . لااله الا الله وحده لاشريك له له الملك وله الحمد وهو على كل شيء قدير
واكيد اذا قربنا من الله كل شيء يكون غيررر