والله ما دري شنو اقول كلامكم صح بس ما زادني الا حيرة وقلق انا اسمع كثيرات يسونها بس مادري احسها صعبه علي اخاف عيالي يجرى لهم شيء ونا مو معاهم اصلا مشكلة ريلي مادري اذا اصلا هي مشكله رومانسيته الزايده انا احب الرومانسيه منو ما يحبها بس لو عيالي شويه كبار مو مشكله بس واحد عمره سبع وواحد عمره اربع وهذا الصغير متعلق فيني وايد هو يستغني عني لساعه ليوم بس مش لاسبوع اخاف يتعقد ونا الشاهد الله الحمدلله مرضيه زوجي وهو اصلا يحبني اكثر من عمره وكله تشوفونا عجب عيالي ما ينامون يعزمني على عشاء نروح البحر يعني الحمدلله بس ما دري من وين طلع لي بالبخت نروح اسبوع عسل برع والحين المشكله كل يوم الا داخل ومعاه عروض السفر والفندق الفلاني والمكان العلاني

اسفه ابني ضغط على الانتر المهم اسمع رايكم والله يفك محنتها اللي تفك علي ومبروك رمضان

والله حاسه فيك وانا مثلك او اشد مااخلى عيالى ولو يوم اجل وشلون اسبوع
لوانى مثلك احاول اقنعه انا ناخذهم معنا والاطفال يزيدون حلاوه السفر رغم تعبهم
والرجال عاده مايكونوا عاطفيين وممكن ينشغلون عن عيالهم بالسفر شهر واحيانا سنه اذاكان عندهم عمل والعيال اخر شئ على باله
قولى له ان تستاجرون جناح بدل غرفه عشان العيال مايزعجونك
وفى النهار يكون التمشى حلو معهم
ابقولك بصراحه فيه حريم تترك عيالها وماتتضايق ربى معطيها قوه
وفيه حريم يتركون عيالهم لكن ما يغيبون عن تفكيرهم وتلقينها ماتتهنى بالسفره لكن تحاول ان تقوى نفسها
وفيه حريم زى مافيه امل تترك عيالها لانى حساسه ومااتحمل فراقهم

يمكن ماافدتك بس حبيت ابين لك ان فيه حريم زيك

البنات فوقي ما قصروا
و كلامهم صح
و أضيف عليه
أن الأولاد إذا كبروا راح يتزوجون و يلهون عنك ،
و ما راح يذكرون ان انتي ضحيتي بسفرة اسبوع علشانهم.
خليها على الله و ما عليهم الا العافية ان شاء الله

صراحهالبنات ماقصروا وخلي في بالك انgقـفـــgا iiiــــgي رجل ورد من وجهه نظر الرجال وبعدين انتي اقنعي اولادك ووبيني لهم الامر وبعدين ما شاء الله كبار ووعديهم بطلعات قبل وبعد وهدايا والله يكون في العون بس صراحه فرصه العمر لا تفوتيها