يا اخواتي ونور عيني .. اذا ضاعت الثقة .. هل ترجع ثاني ؟؟

اختي انا مومتزوجة بس حطي هالكلمتين براسك الله غفور ويسامح فكيف احنا الخلق الي موكاملين مانسامح الي مثلنا:27:

اخصائيةنفسية
اختي الغالية
وربي يا نور عيني مافي قلب في هالدنيا شاف قهر وخيانة بقد قلبي
ولليوم ما حقدت على احد ... ودائما اسامح لو مهما صار
ودوم انا معرضة لخيبات الامل بسبب طيبتي المفرطة وثقتي العميا بالناس
بس انا سؤالي ان كان الزوج خدع زوجته بشغلة او خباها عنها وهي اكتشفتها
وسامحته وحاولت تنسى الموضوع
هل ممكن تقدر تثق فيه ثاني ؟؟
يا حبيبتي انتي انا قصدت الثقة والله مو السماح
وربي يرزقك بالزوج الصالح اللي يسعدك ويهنيك يارب
مشكورة غلاي على ردك

:26: :26:

هلا حبيبتي ..محبوبة الشاعر ..
هونيها وتهون ..انا عارفه ياعمري انه شي صعب لكن حاولي تحطين له الف عذر ..اذا باقيه عليه ..
وتذكري دايم ان عين الرضا عن كل عيب كليلة .. وعين السخط تبدي كل المساوئ..
يمكن يوم خبى عنك او كذب عليك كان قصده مصلحه ..او حتى مراعيك ..يمكن تكون هفوه بساعة ضعف وندم عليها ..وسكت عن الموضوع مدراه لخاطرك..
تذكري كل حسناته وقارنيها بلحظه خيب فيها ضنك فيه ..هل تستا هل توقفين عندها..هذي اللحظه والا تنسينها وتعودين نفسك على استرجاع الثقه..
مدري شحجم الموضوع لكن مافي شي يسوى انه يزعزع استقرارك وراحتك النفسيه..

غادة الكميليا
الهي يسعدك ويوفقك دنيا وآخرة
ويرزقك الجنة يابعد عمري
والله لما قريت ردك بكيت غصب عني
تعرفي انا حساسة جدا
ومشكلتي اني اللي يجرحني اغفر له واسامحه لكن اظل ابكي من جرحه مدة طويلة من غير ما ابين له
واللي قلتيه ((عين الرضا عن كل عيب كليلة .. وعين السخط تبدي كل المساوئ )) زاد في دموعي .. لانه واقع حالي الان
تعرفي هو خبى عني شيء قد يكون جدا بسيط و يوم اني واجهته ما انكر وشرح لي ليه خبى عني عشانه خجلان مني .. رغم انه الامر تافه ما يسوى انه يخبيه عني .. وطلب اني اسامحه
وسامحته .. لكن في قلبي دخل الشك ... وآه من الشك وش يسوي فينا
خايفة جدا يا اختي الحبيبة
وتايهة ومحتارة
وش اسوي بس ؟؟ انا ما كررت الموضوع امامه لانه جدا حساس وممكن اني اجرحه لو كررت الامر ثاني
ابغى ارتاح من نار الشك .. اتعوذ دايما من ابليس لعنة الله عليه ولكن ايضا النار تزيد في داخلي
والله ريحتيني يا عمري انتي بردك اللي نزل مثل الثلج على نار قلبي
ربي يفرح قلبك ويفرج همك وييسر كل امورك ويسعد بختك ويحقق آمالك ياااااااااااااارب
ارجوكم يا اخواتي ادعولي
وربي محتاجة دعائكم جدااااا
الله يبعد عننا وعنكم الشر واهله ويقرب لنا ولكم الخيرواهله


:26: :26:

يا عمري ..مشكوره على الدعوات اللي تثلج الصدر ..
وانت قلتيها بنفسك اعتذر وشرحلك الموضوع وطلب منك تسامحيه ..
ماعاند ولا كابر ..واعترافه بذنبه << واشك انه ذنب .. فضيله ..
وبذكرك بشي ..تخيلي لو انه انكر او كابر شبتكون حالتك ..يمكن حتى تحاولين بكل وسيله تسترضينه عشان تعرفين اللي بداخله وذيك الساعه بس الشك راح يقتل كل ذكره حلو في قلبك ..
لكن احمدي ربك ان الرجال صريح معاك فلا تضيعين ساعه من عمرك في الزعل والشك ..
وطمنيني عليك..
الله يطمن بالك ويهدي سرك ويسخر زوجك لك ويسخرك له ..