يا اقتلها يا انتحر>>تبي طماطم الساعه 2 الفجر

السلام عليكم حوائيات

عندما استفحل الموضوع قلت مالي الا حوائيات يساعدوني
تعبت منها كثير يا بنات
والله جابت لي النفسيه صرت :angry2:

تبون تعرفون من هي
اخت زوجي اااااه شقول لكم
طلباتها كثير وتشرطها اكثر وكل شي عندي تبغاه
يا ربي الطف فيني
في البدايه كان عادي عندي اسوي لها واعطيها من عيوني
بس خلاص طفح الكيل
وجهها بلاطه :22: وما تفهم

مثلا تكون محتاجه شي من السوبر ماركت
تدق على زوجي وتطلعه من دوامه او تقومه من نومه عشان يجيب لها اللي تبغاه
ولما يوصل عند بيتها يلاقي زوجها قاعد ومبسوط واخر روقان
او تكذب تقول في الدوام ولما يوصل لعند بيتها يلاقيه موجود وتوه قايم من النوم
كل شوي حولي فلوس حول لي فلوس
كل شهر لازم نعطيهم الخرجيه كانهم محسوبين علينا
كل شوي داقه علي ابغى حقك الشي الفلاني
عطيني الشي الفلاني
حتى مكياجي اخذته كااااااامل وقعد عندها اكثر من شهرين ولا فكرت ترجعه
ويوم طلبتها اياه
قالت لي جيبي لي مثل مكياجك
ابغى مكياج سنع زي حقك ولا تنسين كريم الاساس ابغى من ماك
يوم قلت لاخوها قال خليها تجيب فلوسها واشتري لها طبعا هي ما تبغى تدفع شي
وتبغاني اجيب لها من عندي غير الخرجيه اللي كل شهر تاخذها من اخوها
تدخل بلبس ولدي واكله

طلباتها يا بنات ما تخلص
وبذكر لكم اخر المواقف اللي قصمت ظهر البعير اللي هو انا خخخخخ:42:
االلي رايقه وفاضيه تكمل معاي لان السالفه طويله

هذي السالفه احين صار عليها اممم يمكن 3 شهور او 2
اللي حصل يا جماعه اخت زوجي اتصلت على اخوها وقالت له بكل قوايه عين نبي زوجتك
تكفل اخو زوجها في بنك التسليف
والاخ وافق بدون ما يستشيرني
جى يقولي طبعا من جد من جد انا عصبت معليش يا زوجي المصون سوي خير بس ما تورطني بهالورطه
بالله طلع ما عنده امانه وورطني ب 45 الف وانا ابغى اشتري لي بيت
والله قلن له لو ابغى اكفل راح اكقل اخوانك لانهم يتامى ومالهم احد بس وش دخلني اكفل اخو زوجها
وللعلم اخوان زوجها كلهم موظفين ارامكو وسابك وحكومه ويقدرو يكفلو 2
طقت اللمبه براس عبقرينو زوجي وقال بدق بسال ليش اخوانه ما يبون يكفلونه دق عليها
وقالت هاااه هم كافلين قال لها عادي يقدر يكفل مره ثانيه
قامت تعذر وتتحجج بمليون حجه وطبعا هي مشحون راسها من زوجها
قام الزوجي الطيب وقال خلاص ابشرو بالخير
جى كلمني وسالته تضمن اخوه ما يورطني ما يوهقني يخليني اكفله ويسحب علي ويخليني ان اللي اسدد
قالي ايه ***** الله وانا ادعي من قلبي ان ما اكفل يا بنات مو نذاله بس ما ابغى
اخوانه لو فيهم خير كفلوه ليش انا اللي ما اعرفه ولا يعرفني ولا يقربني ولا اقرب له يبوني اكفله

المهم زوجي قالهم خلاص اسبوع ***** الله بالكثير وراح نعطيكم الاوراق اللي تبون
بصراحه انا طنشت قلت يمكن يفهمون اني ما ابغى اكفل
خلال هالاسبوع اخته ما وقفت اتصالات علي وعلى اخوها ليل نهار صبح ظهر عصر
على طول على طول تخيلو افتح جوالي اكون جايه من الدوام تعبانه انغث بمكالماتها ورسايلها
على الواتس اب على الايميل
وكمان زوجي مرره عصب وطلعت الجنونه براسه لسه الاسبوع ببدايته ما خلص
قال تدرين ما راح تكفلين احد خليهم يصرفو حالهم قام دق على اخته وهزءها شوي على كثره الاتصالات والازعاجات اللي حصلناها
وقالها ماراح نكفل
تتوقعون هدى بالها وبال زوجها لا طبعا
لانهم لقو ناس طيبه ويلعبو عليهم
بقت يمكن اسبوع ورجعت تتوسل باخوها :eek: اني اكفل اخو زوجها
وانها خلاص ما ارح تزعجنا وبتخلينا نكمل الاجراءات على راحتنا وشوي تتبكبك ومستعده لو اقولها بوسي رجولي تبوسها عشان نكفل
زوجي ابو قلب عصفور وافق وقال خلاص خلاص بنكمل اجراءت الكفاله بس لا تزعجينا
يا ويلي بغيت انجلط :angry2:
بعدها يمكن بيوم اوم يومين زوجي كان في مجلس رجال وواحد من الموجودين يشتغل في بنك التسليف
وقام يدردس وياه والحمدلله يارب الله استجاب دعاءي والموظف قال زوجي زوجتك ما تقدر تكفل لان في شرط من شروط الكفاله ماهو موجود فيها
يعني ارتحت اخيرا من الصجه طبعا هو ما قالي عن الموظف وكلامه راح على طول دق لاخته وقالها السالفه ترى شروط الكفاله في زوجتي ناقصه ما تقدر تكفل اخو زوجك خلاص الله يوفقه خليه يشوف غيرنا
اثناء المكالمه هذي انا كنت في الدوام اصلا مو موجوده في البيت
تفاجاءت بالاخت المصونه نطت علي كانها جاثوم تدق علي رديت قالت لي عندك ايميل فاتح احين
قلت ايه اللاب توب حقي معي في الدوام قالت طيب ادخلي ابغاك
دخلت ارسلت لي شي قبلته بس ما فتحته قلت وش هذا قالت فتحتيه قلت ايوه فتحته وانا اصلا ما فتحته
قالت شفتي الشروط المكتوبه
قلت يا بنت وش السالفه
قالت لي ان زوجي يقولي ان ما تكفلين بسبب ان في شرط من الشروط ماهي فيك
وفي موقعهم مكتوب ان فيك
على طول دقيت على زوجي وفهمن يالسالفه رجعت كلمتها في المسن قلت لها يا بنت انا مادري عن شي
و الكلام كله عند زوجي قالت خلاص اكفلي ولا عليك منه جيبي الاوراق وعطيني اياهم
انا ما صدقت افتك منك عشان اسلم رقبتي لحبل المشنقه
قلت يصير خير انا في الدوام لين ارجع البيت واشوف وش يقول زوجي وارد عليك
رحت البيت وكلمته زوجي قلت له اسمع مثل ما ورطتني بهالورطه انت تطلعني قالي وش عليك منها خلاص انتهى الموضوع انتي ما تكفلين وخلاص
اذا دقت لا تردي عليها
قلت اوك وصار تدق علي ليل نهار صبح عصر ظهر فجر حتى اخر الليل تللاحق فيني من الواتس اب الى المسن الى الجوال
صارت تعرف متى اطلع للدوام علي في دوامي وانا ما ارد اكبررررررر سيفوووووون
ويوم كنت في الدوام وزوجي كان يكلمني الا هي دقت ودخلت انتظار قلت يووه فشله خلني اشوف وجه البلاطه وش تبي رديت عليها الا تقولي اسمعي ابغى فستان اختك اللي لبسته في ذاك العرس
يوووه يوووه حتى فساتين خواتي حطيتي عينك عليهم
قلت لها ابشري بس انا احين في الدوام وانا طالعه بمر اخذ ولدي من بيت اهلي
باخذ الفستان وبجيبه لك للعلم ترى احنا جيران بيني وبينها شارع
المهم قالت خلاص انتظرك
خلصت دوام الا زوجي ما قدر ياخذني واضطريت اركب تاكسي واروح اخذ ولدي من بيت اهلي واخذت الفستان بس من الهبدله وعمات العين نسيت اوقف عند بيتها واعطيه اياه
لان اصلا ولدي كان نايم على رجولي
وصلت البيت حطيت اغراضي في المطبخ ودخلت غرفه النوم سدحت ولدي وعلى طول انسدحت ونمت
ربع ساعه الا هي داقه على جوال زوجي
رد قالت وين لجونه قالها جات من الدوام دايخه وعبود كان يصيح سكتته ورجعته ينام ونامت معاه
امري بغيتي شي قالت لا وسكرت انا لحظه اتصالها صحيت قلت خير وش فيها قال مادري
قلت احين بيني وبينها شارع و تبي خدم وخشم لها هي اللي محتاجه الفستان تجي تاخذه
وعلى فكره دايم كذا اذا تبغى شي حتى لو هي المحتاجه وزوجها يمها مدد عصاقيله تبغانا حنا اللي نجيبه لها ونخدمه
طنشت قلت تبي الفستان تجي تاخذه مع انها مو محتاجه تستاذن اذا بتجي بيتي كم مره تدرعم علينا بدون احم ولا دستور
فجاءه الاقيها دقت الجرس ودخلت على انه مييانه وعادي بيت اخوها
اليوم اللي بعده دقت علي ورديت
الا طاحت فيني تهزء قسم بالله ما مداني اقول شي
انتي ياللي فيك وما فيك وما يعنيك ويغطيك انتي حتى ما اعتذرتي وخليتيني اروح المناسبه بدون فستان
شرشحتني من فوقي لحتحتي
بالرغم انها تقدر تجي تاخذ الفستان لو هي فعلا تبيه
سكرت منها وانا مشحونه منها نص ساعه الا ترسل لي يالله وش سويتي على اجراءات الكفاله
يوووه انا طلع بوسط راسي قرن دخلت على اخوها وقلت له السالفه
راح رسل لها رساله ان لا تكلمي زوجتي بهالموضوع وانتهينا منه صار شوي كلام جامد بس انا ما دخلني هي واخوها يصطفلون
وحقدت علي حقد الكفار على المسلمين بيني وبينكم انا ارتحت منها ومن طلباتها
قسم بالله عيد
بس ضميري معذبني اني ارتحت منها على عداوه
ما احب احد يكون شايل بخاطره شي علي ماني ضامنه عمري
صارت لما نتقابل في المناسبات اسلم عليها ما ترد ويا دوب تمد لي طف اصبعها ينقال انها تسلم
اسالها اخبارك تحقر وما ترد
قالت بسلامتها اهم شي اني ارتحت
وسبحان الله بعد هال 3 الشهور مادري مين اللي حك المصباح السحري وطلعها منه
دقت علي وانا غبيه للحين ما تعلمت من دروسي معاها
هي ما تدق علي الا لحاجه
قمت رديت هلا هلا شخبارك شخبارك
الا تقولي ابغى فساتينك كلهم ليش وش تبغين قالت ابغى ااجرهم ؟؟؟؟؟؟؟؟؟؟؟؟؟؟؟؟؟؟؟؟؟؟
من قالك اني ابغى ااجرهم اصلا
قالت اذا تبين تاجرينهم قولي لي
طبعا اكيد دقت علي لانها تعرف اني كل مناسبه لازم اشتري فستان ما احب اخذ ملابس احد

تفكرون خلتني بحالي ظلت تلاحق فيني فيني واتدق بيديها ورجلينها تبغى فساتيني تاجرهم
قلت لها اصلا فساتيني مو عندي عندي كم فستان تبغينهم خذيهم لان هالفساتين اصلا صارو ضيقين علي ولبستهم في كذا مناسبه فما راح ارجع البسهم مره ثانيه

انا قلت هالكلمه سكرت مني وعلى طول دقت على اخوها
روووح جيب فساتين زوجتك عندي
اصلا زوج استغرب جى البيت وقالي وش هالفساتين
وفهمته السالفه قالي وليش حضرتها ما تجي تاخذهم والا رجعنا لسالفه الخدم
اخوها حقرها
ما ارتاحت الا لين اخذتهم
واللي قهرني راحت بيت اهلي تطلب فساتين خواتي :(
واختي جات قالت لي بعد ما اعطتها فستان مشقوق مخرب وما تحتاجه عشان تفتك منها


احين تقريبا تقريبا الميانه عند حضرتها رجعت
وصار كل شوي تطلب حاجه ومنها
ابغى اروح احلق ولدي تعالو خذوني اوديه
ابغى اطلع تعالو طلعوني
الساعه 2 ابغى طماطم جيبو لي
الساعه 3 الفجر قوم جيب لي جبن بوك ابغى اطبخ عشى
تدق عندكم هالشي ايووه عندنا طيب جيبو لي

قبل اسبوعين تبغى تروح مكه والمدينه
دقت على زوجي
تبغى منه عربيه ولدي وكاميرته
والعربيه سعرها تافه 200 ريال واحنا نحتاحها ولدي صغير عمره سنه وشهرين
وولدها بسم الله عليه كببير خلص ال 3 سنوات ويمشي في 4

الكاميرا هديه مني لزوجي لانه من هواة التصوير لو بيروح الحلاق ياخذها معه ما يستغني عنها
والقهر يصادف ذكرى زواجنا

والقهر الاكبر تبغى زوجي يجب لها العربيه والكاميرا
يا نااااااااااااااااس والله ان حنا جيران قسم بالله جيران
وانتي طالعه رايحه مكه والمدينه سيري خذي العربيه والكاميرا

ذكرت موقف اخر لها في عيد رمضان
طبعا الكل عارف ان اجازه العيد تبدى من 25 رمضان
وانا طول فتره رمضان كان دوامي متقلب واغلبه اداوم من بعد الفطور الى الفجر الساعه 2
ما اقدر اروح السوق اتجهز لي ولولدي
وما كان عندي الا ال 5 ايام اتقضى فيها
دقت الاخت المصون اسمعي ابغى اصبغ شعري فضي نفسك لي
قلت لها ***** من عيوني عطيتها اسم صبغه وقل لها روحي جبيها واذا قضيت اغراضي
واغراض ولدي بصبغ لك وانتو عارفين كيف الايام الاخيره زحمه
وحوسه المشوار اللي تاخذي فيه نص ساعه في هالايام تاخذي فيه ساعتين
المهم اني ما فضيت ابدا ابدا
وهي ازعاج واتصال غثه وكل يوم راسله لي صور تبغى مثلها
الين ليله العيد دقت وهزات زوجي ما دقت علي
تقوله ليش مرتك شايفه حالها ليش ما تبغى تصبغ لي حسيت كاني اطر منكم الشي طراره
والله كان ليله العيد وانا حتى جسمي ما حفيته ما شقرت حواجبي
ما سويت شي
قلت قوم احين نروح نشتري لها صبغه رحت وشريت لها صبغه ورحت عندها
قلت لها يالله اصبغ لك
قالت يوووه ليه كذا حواجبك ليه ما حفيتي جسمك قلت لها ما مداني الوقت
قالت لي خلاص روحي حفي جسمك بعدين اصبغي لي
رحت حفيت جسمي وصبغت لها
خلاص تعبت انهلكت وانا لسه ما زينت حواجبي
وهي ماشاء الله تبارك الرحمن شاطره ترسم الحواجب رسم
والله اول مره اطلبها قلت لها وش رايك تزيني حواجبي انتي اسرع مني
قلت طيب من غير نفس و وماكانها ماتبي
قلت بخاطري مو بس هي تعبانه حتى انا تعبانه ومهدود حيلي والله يوم العيد
ما طلعت بقيت نايمه الى المغرب من التعب
قامت عفست حواجبي مادري ليه من تعب من قهر من ايش مادري
يوم شفت نفسي انصدمت ايش سويت فيني
قلت معليش يترقع بالمكياج
الصباح زوجي راح المسجد ورجع وانا لسه بس سشورت شعري شافني
قالي افااا ليه ما سويتي حواجبك قلت له هذا عمايل اختك ما ردت المعروف اللي سويتها لها باحسن مني

هنالك المزيد في جعبتي بس تعبت وانا اكتب

تكفون ابغى احل فوري للتخلص منها ومن طلباتها
توها من ساعه
تدق تدق تدق
ارسلت على الواتس اب انتي وين
طبعا انا احين في الدوام قلت لها في الدوام قالت يوه ابغى طماطم
دقيت على اخوي ما رد قلت يمكن نايم طبعا اخوها مو نايم اصلا لانه قبل ما تكلمني
بدقايق داق علي
بعدين قالت بتروحين السوق قلت ايه تدرين اختي بقى لها 15 يوم على زواجها ولازم اروح معاها
قالت اجا جيبي لي كريم اساس ترى انا احط مكياج بدون كريم اساس
وجيبي لي مكياج بعد ترى خلص اللي عندي


شوووووووووووووووووووفووووووووو لي حل للتخلص منها بدون زعل وخصام
والله يا بنات جربت اسفهه فيها واحقرها ما نفع يبين علي اني ما ابغى اعطيها
او اتهرب منها يبين اني اتهرب
بس تسوي روحها مو فاهمه عشان تحصل على الشي اللي تبيه

قسم بالله اخوها جات له فتره قاطعها لنفسس السبب اللي مضايقني ما تتصل علينا الا لحاجه
هات جيب عطني ابغى

اذا اخوها ما تحملها انا بتحملها

ارائكم ونصائحكم و دعواتكم