موضوع جميل مررره يسلمو لصاحبته ولكل من شارك وافادنا

بالنسبه لي

الفواحه الكهربائيه اللي بالمويه حقت لايف ستايل
بعد ماشتريتها قلت ويني عنها من زمان فعلاً
ريحه روعه وتدوم وتلطف الجو لانها عباره عن بخار مويه
وريحة العطر تطلع مضبوطه احسن من فواحات الشموع اللي تروح ريحة العطر من ريحة الشمع وتكتيره يغطي عليها !

/
مجفف الملابس راحه مابعدا راحه الحمدلله على نعمته
بالنسبه لي استخدم ماركتة ويرلبول

/

محمصة القهوه الكهربائيه شي مستحيل استغني عنه

/

خلطة القهوه بدال ماشتري خلطه وتخرب علي قهوتي بديت انا اسويها وطلعت توب ماشاءالله
لون ونكهه والكل تعجبه ..

/
علبة الكاتشب اللي زي كذا
احط فيها مويه وكلوركس وديتول والعملاق الاخضر واحطها في المجلى عند علبة الفيري
تختصر لي الوقت بس اضغط منها ع علبة الصابون والاسفنج وياسلام
واخر شي ارش منها ع المجلى ريحه ونظافه وتعقيم

ونفس الشي علبة البخاخ اعبيها نصفها مويه وكلوركس وديتول وامسح فيها الدواليب والطاولات والافياش والبيبان وكل شي

/

جبت سله حلوه مربعه وحطيت فيها كل الكريمات ومستلزمات العنايه بالبشره والجسم
وخليتها ع الكومدينه بمكان قريب مني عشان مانساها والزم روحي فيها عند النوم او باي وقت

/

علبة معطر المفارش فارغه او علب معطرات الجسم تبع زهور الريف وغيره
اجمع فيها من كل عطوراتي الفرنسيه كم بخه وشوي زيت عطري واستعمله للمفارش والكنبات
واخذه معاي بشنطة السفر لتعطير المكان روعه
ريحه رايقه والكل يسئلني عنها في بيتي

/

في مكان جلستنا والصاله طبعا في سجاد فخم وتعذبت من تنضيفه لاتوسخ ولا انكب عليه شي
اخر شي اشتريت سجاد من الرخاص اللي محشي اسفنج ولا اي شي من السجاد الخفيف
وفرشته فوق السجاد وصار جلستنا وحوستنا ع السجاد الرخيص ولو انكب شي وتوسخ مايهمني
لاني اشيله لو جو ضيوف والسجاد يبرق ويضل جديد ..

/

اخر شي
اللي عندها كتيبات دينينه ومطويات دعويه وخلصت منهم ولا اشرطه دينيه
عن اي شي عن الاحكام ونصائح اجمعيهم في كيس ولو بترحي مستشفى مستوصف حتى مشغل حطيهم على الطاوله في جلسة الانتظار ولو حصل تجيبين اي سله ماتبغيها او تشتريها اوصندوق وتحطييها فيه
اللي يجلسون ينتظرون يقرون ويستفيدون ويخلصون وقتهم وانتي لك اجر بإذن الله
حتى سجاد الصلاة ..

/

دعواتكم لي اذا استفدتوا

بخور القصر من حامل المسك

شكرا خواتي على الموضوع الجميل قريته من اوله لااخره واستفدت كثير من تجاربكم وانا اقول وين كنت من زمان لحبيبتي غسالتي الاتومتيك توشيبا ريحتني كتير ووفرت وقت طويل كنت اغضيه بالغسيل

بنات بالنسبه لباخور القصر اخدته من العطار بس غطايته بني وعليه نفس الحروف هل هو نفسه اللي غطاه ذهبي ولا فيه فرق
اتمنى تفيدوني وفين الاقيه بالدمام
دمتم بخير

فعلا روووعه العاذريه