يا المتزوجات حياكم الله تفضلوا اشربوا القهوه وكمان بنات حواء الغير متزوجات تفضلوا اشر

صبحكم الله بالخير و السرور
صباح الخير و الاحساس و الطيبه ........
كيفكم ...ايش اخباركم ان شاء الله بخير
القهوه سويتها أصبلكم :f226:


من غير ما اطول عليكم وعلشان ما تقولوا هذه ململتنا ...فاضيه ما عندها شيء

طيب ادخل بالموضوع علطول
الموضوع و مافيه ان هذه فكره خطرت على بالي و حبيت اطرحها عليكم لعل الله يكتب لنا الاجر و المثوبه
ونستفيد و نفيد غيرنا...

عايزين تعرفوا ايه الفكره
طيب من عيووووني:rolleyes:


اولا :عايزين من المتزوجات اللي زوجها ما يقربلها بقرابه (يعني اللي زوجها ليس من جماعتها)تشرفنا و تكتب قصتها
أكيد تسألوا انفسكم أي قصه؟؟
طبعا قصتك عن كيف تعرف عليك زوجك او عن طريق مين اهل زوجك عرفوكي ( طبعا اللي حابه تفيدنا حياها الله و برضوا اللي تحب تحتفظ بقصتها لنفسها برضوا حياه الله)

ثانيا: البنات الغير متزوجات يتفضلوا مشكورين معنا علشان يستفيدوا اذا كان في بنات حابين انه يكون فتى احلامهم من خارج جماعاتهم لاني اعرف ان في كثير يتمنوا هذا الشيء و طبعا انا و حده من هذولي البنات ..

و زي ما انتم عارفين ان الزواج من الاباعد افضل من حيث مستقبل الاطفال و من حيث تأثير الوراثه و كمان ديننا الاسلامي وجهنا للاغتراب في الزواج على الزواج من ذوي النسب و القرابه حرص على نجابة الولد و ضمان للسلامة من الامراض الساريه و العاهات الوراثيه :( و كمان توسيع لدائرة العلاقات الاسرية و الاجتماعيه :2thmup: ......


يلاااا ... مين من أخواتنا المتزوجات تقص الشريط و تبدأ تسوولف علينا و بالطبع أكيد هذه القصة قصة التعارف كانت ذكرى حللللوه:icon28:


لا تلوموني و تقولوا طيب انتي ليه ما تبدأي ؟

لأني أنا لسه ما تزوجت ..الله يكتب لنا اللي فيه الخير:)