يا امة المليار يسواكم حمار !!!؟

هذه قصيده كتبها الشاعر عبدالله الفضلي على ما اعتقد

وهي تصور حال الامه

صحيح انها قاسيه بعض الشئ بس فيها من الصدق الشي الكثير




يا أمة المليار يسواكم حمار = لجمعية الحيوان بالغرب قيمة
وأنتوا بلا قيمة ولا ثقل مقدار = مقداركم ما صار قدر البهيمة
وأنتوا جموع فيكم صغار وكبار = حقوقكم راحت عليكم ظليمة
راحت كرامتكم على ايدين كفار = ضاعت مهابة عزكم والحشيمة
حتى الدجاجة اتحمي بيض وصغار = ماترتضي كتكوتها أحد يضيمة
لا جيتها جاتك بريش ومنقار = اتدافع وفيها حمية وشيمة
حتى الدجاجة صارت تثور وتغار = وأنتوا رضيتوا الذل وياالهزيمة
لا همكم لا عرض لا أرض لا عار = ولا همكم تربيط أسرة عديمة
رجالها في المعتقل ماله أنصار = بيد الظغاة ولا تركوا له فطيمة
سبوا نسانا وعرضنابث بأخبار = ولا رحموا ادموع طفلة يتيمة
يا وينها الأحرار طلابة الثار = اللي تبي عز الحياة الكريمة
اهل الجهاد اللي على الكفر ثوار = ماهمها من قال فيها الشتيمة
اهل المعزة وجيها اتشع بانوار = بالله تجاهد ثم قو العزيمة
تقاوم المحتل وتصليه بالنار = ترميه في شره وجمرة جحيمه
ياوينها اللي تفدي بمال واعمار = تعد الشهادة عز واكبر غنيمة
ماعاد فيكم كون أهل كورة وطار = وأهل الفنون الهابطات الذميمة
هذي فعايلكم حشا ما لكم كار = يا أهل النفوس السافلات اللئيمة
ياحبكم للهو والشرب والبار = وياحبكم للراقصة لو دميمة
تحبون نجوى الراقصة مع شويكار = في مرقص فيه الخلاعة مقيمة
وضياع ما بين الربا ولعبة قمار = للفسق والمنكر عملتوا وليمة
مقلدين الغرب في كل الأقطار = والستر قلتوا عنه موضة قديمة
من عاركم متبري منكم العار = يقول طلقكم لو أنتوا حريمة
العار مترفع على عاركم صار = ينأ ويبرأ ما يريده لزيمة
اكثار مير أنكم رماد تحت نار = أحقر بشر صارت عليكم زعيمة
يا وينكم يا أحرار يا نسل الأحرار = اللي تموت ولا رضت بالهضيمة
وأهل الشعر والله ما هم بشعار = كان المشاعر ما شكت ذا الجريمة

قصيدة تصور واقع الامة الان:44::44:

منقووووووووووووول