يا امهات......... شو بتسوين إذا ضرب طفل ثاني ابنك؟؟؟

اولا احترامي و تقديري لكل الامهات و ادعولي الله يرزقني بابن الحلال و اكون ام.

الوالده الله يعطيها العافيه كانت تحكيلي حكاياتنا يوم كنا صغار بس في حادثة كانت تزعجها جدا و كلما تذكرتها تريد تتعارك مع الوالد الله يرحمه.

تقولي ان اخوي يوم كان صغير يعني 6 سنوات دخل الابتدائية و هذيك الايام عدد الطلاب كان قليل فالمدارس كانت توسع ابتدائية و اعدادية و ثانوية. كل يوم تجهزه و تبخرة و تمشي معاه لين المدرسه توصله. طبعا هذيك الايام كان الولد ما يلبس غير كندورة والا كندورتين في السنه و تكون زينه علشان المدرسة بس يعني مثل اليونيفورم.
و يوم تجي تاخذة من المدرسة تشوف حلقه و جيوبه مشقوقه و يصيح ما يريد يروح مرة ثانية.
الوالدة ينت و يوم سالته قال لها ان في اولاد في الاعدادية يمسكونه في الحمام و يضربوه و ياخذون غداه و الا بيزاته. و الا الوالده تقوم و تخبر الوالد. الي جننها بالزود ان الوالد كان بارد قال لها عيال يلعبون بكرة رح يبطلون عنه. و كل يوم لين شهرين نفس الحالة. الوالده ما عدها غير تصيح و تتضارب مع الوالد علشان يخبر المدرسه و اخوي يا حليله ينضرب و يوم يجي البيت الكل يصرخ عليه و الا علشانه لين بطل حتي يقول لحد شو قاعد يصير معاه.
طبعا الايام مضت و كبر الولد و ما فيه الا العافيه الحمد لله.

بس عندي سؤال يا امهات شو بتسوين اذا ولدش كل يوم يجي بهذي الحاله من المدرسة؟؟