++ يا امهات يا خبيرات كيف اعوّد ولدي يشرب الحليب من الكوب ؟؟ ++

مرحبا بكل من شرفنا و لفى..

طبعاً الموضوع باين من عنوانه.. وهو كيف اعلم ولدي يشرب الحليب من الكوب.. ؟؟؟

انا عندي 3 مهام لازم انفذهم في هالفتره :

1. اعوده ايواصل النوم طول الليل !<< تم تنفيذها بفضل نصايح البنات و الدكتوره جزاكم الله الف خير:

2. افطمه عن المرضعه و اعلمه على الكوب << هو مب متعلق فيها زود بس ما يتقبل الحليب الا فيها!

3. اعوده على الحمام << بدينا ف المراحل الاولى والحمدلله النتايج مرضيه:42:


الحين.. شو الحل.. شوروا علي.. خاطري اشوفه يشرب من الكوب.. شريت له اكواب اشكال و الوان.. لكن مافي فايده.. اول ما يشرب و يكتشف انه فيه حليب ايتم ايتف.. عاد حركات!! من المرضعه يشربه عادي لكن من الكوب لا..!:eek:

المهم.. اللي عندها حركه معينه ولا فكره اتخبرني.. لأنه آخر هالشهر انشالله بيكمل سنتين.. وصراحه شكله غلط وهو بعده يرضع من المرضعه احسه كبر عليها.. هو حالياً ياخذ رضعتين الظهر و فلليل.. و تراه مب متعلق فيها وايد يعني عادي اينام بدون رضاعه.. فكرت اني اقطعها عنه تماماً بس اخاف ايعاند و ما يشرب حليب و بتالي بيأثر عليه.. :(

يالله انتظر اراءكم و مقترحاتكم.. و جزاكم الله الف خير..