damdoom @damdoom
عضوة جديدة
يا اهل ابو ظبي دلوني
اخواتي انا مسافرة لابو ظبي دلوني على محلاتكم التجارية المميزة خاصة ما يتعلق بالادوات التجارية وملابس الاطفال
3
956
يلزم عليك تسجيل الدخول أولًا لكتابة تعليق.
الصفحة الأخيرة
بس عجلي قبل الرطوبة .. ترى الجو بدى يصير حر بعض الشيء ..
والرطوبة في أبوظبي .. هي الشيء الوحيد اللي مو حلو .. بس كل شيء بيد الله والحلو ما يكمل .. الكمال لله وحده.
حبيبتي في الله ...
عندك من المجمعات التجارية : (أبوظبي مول في منطقة النادي السياحي بالإضافة إلى مارينا مول في منطقة كاسر الأمواج) هذول أهم مجمعين بالمدينة ...ثم:
عندك/ مجمع مدينة زايد للتسوق وسوق الذهب خلف شارع حمدان ..
وكذلك فيه المهيري سنتر في منطقة الخالدية .. وحامد سنتر وحمدان سنتر ..
بإلاضافة إلى السوق المركزي فيه الجديد وفيه القديم ..
وفي جميع الأماكن اللي ذكرتها راح تلقين محلات معروفة وسلسلة لباقي المحلات في دول الخليج ..
أما للبس الأطفال فعندك مجمع سبلاش ولايف ستايل في منطقة النادي السياحي (فوق راح تلقين محلات للأطفال)
وفيه محلات 0 -9 اسمه بيبي شوب تابع لسلسلة محلات الهوم سنتر وسبلاش وبجانبه محل 0-12 تابع سوق اللولو المركزي وحاليا عنده خصومات كبيرة.
أما بالنسبة للمحلات المتفرقة في أبوظبي (في محل اسمه الطفل السعيد) في منطقة الخالدية مقابل المهيري سنتر تقريبا على السايد الثاني .. يعني على نفس سطرة المخازن الكبرى ..وأمام المحل اللي وصفته لك في محل اسمه مركز الطفولة أو مركز الطفل .. ما ني متذكرة الاسم بالظبط بس كبير ..
هذا بالإضافة إلى ليوا سنتر في شارع حمدان
وليوا سنتر البي أتش أس أيضا في شارع حمدان مقابل مطعم الطازج ..
وفيه طال عمرك في امتداد شارع النجدة قبل هوم سنتر (مجمع صغير) فيه محلات سناء ومحلات الشايع
مثل (نكست ، كليرز، موذر كير ، ليز كليبورن ) .. خاص بمحلات الشايع فقط .
ما عندنا في أبوظبي لا دبنهامز ولا لورا آشلي .. ولا كان قلت لك روحيلهم وخلصي عمرك من كثر الأشياء الحلوه الروعة اللي عندهم لكِ ولأطفالك ..
بس تراهم موجودين في دبي .. مجمع كبير لدبنهامز .. ولورا آشلي موجود في مجمع سيتي سنتر بجانب محل (جيري ووبر). هذا اللي يحضرني حاليا .. وأتمنى إني أكون أفدتك ..
وإن احتجت أي شيء وإنت في أبوظبي ما عليكي إلا أن ترسلي رسالة لأختك/ زعفران وراح تقوم بالواجب ..إن شاء الله، بس ها عجلي قبل ما أولد .. تراني دخلت بالشهر التاسع ويمكن أولد بأي وقت .. فاعذرني إذا ما رديت عليكِ ..
وحياكِ الله .. حللت أهلا ونزلت سهلا ..
اختك/ زعفران الجنة ...