أولا أحب أشارككم أحلى فرحه بحياتي ومن وقع الصدمه سجدت لله حمدا وشكرا
من شي ستة سنوات حصلت قطيعه بين أمي و أبي مع خالاتي كلهم بسبب إني كنت ولاده قيصري ويوم السبوع توفيت جدتي الله يرحمها و يسكنها فسيح جناته يااارب
وبسبب إن أبوي ما تركني لأني كنت بكريه و ماراح للجنازه كل خالتي أخذن موقف ضده فحصلت القطيعه :(ولدت للمر الثانيه و المره الثالثه و أولادي يكبرن من غير ما يتعرفو على خالاتهم كيف شكلهم و كيف تعاملهم وش يحبون وش يكرهون:44:
المهم مرت السنين و السنين وسنين ولا خبر عنهم مع إني كم مره حاوت أتصل معاهم بدون فايده:angry:
أكيد بتقولون وش سالفت العطر أكيد
الصبر خييييييير شوي بعد
المهم و أنا أفرفر في النت سمعت دقة جرس الباب ومع إني تعبانه ما قدرت أقوم أفتح طلبت من أمي تفتح وهي بسلامتها تتبخر وما راضيه تعطيني وش بتدلع علي:42:(معاها حق الجنه تحت أقدام الأمهات) وياعيني على الخدامه إلي تتسبح بسلامتها
ملقيت غير و روحي قايمه من فرشتي أفتح و حالتي مره تعبانه :09:
المهم بعد ما فتحت صراحه حسبت نفسي أحلم و أحك عيوني و أفتح عيوني و أشوف و تأكد و الصدمه كانت شديده علي
خالاتي أقسم بالله ما حسيت غير بنفسي مرميه في حضنهم و أبكي و أبكي و أرجف إلين داق صدري موووت وجاتني أزمه ربو من فرحه و خشوع وعدم تصديق :icon33:
ستة سنوات ما شفتهم ست سنوات ما لمستهم ست سنوات ما سمعت صوتهم ولا كلمتهم ولا بناتهم ماشاء الله صروا عرايس
وطبعا من فرحتي من شوفتهم و مسكتم وبوستهم علق علي عطرهم إلي متعطرين منه قبلا ما كنت أفكر حتى أشتريه لأني ما أحبه أو ما أحسه ذاك الزود و من اليوم بيكون أول عطوري إلي ماراح أستغنى عنهأبدا أبدا أبدا وكل مره راح أتعطر فيه راح أتذكر هذي اللحظه إلي شفت فيها خالاتي
وكل مره أتعطر منه إلا وبتذكر حظنهم الدافي وفرحتهم بشوفت أولادي إلي عمرهم ما شافوهم من يوم خلقوا
هذا العطر راح يكون قصة حياتي المكتوبه بالدموع و الشوق و الحنين
هذا العطر بداية حياتي و تاريخي
معلش طولت عليكم بقرقرتي
وشوقتكم أكثر و أكثر
بس أغلبكم يعرفه يعني معرووووف و عندو عشاقه
وعندو إلي ما يحبونه مثلي قبل هذي اللحضه طبعا
هو
(ميس ديور شيري)
