والله مش عارفة أيش بدي أسوي
أقولكم قصتي
سويت حلاوة لأيدي قبل 4 أيام وطبعاً حصلت الكارثة
انتشرت الحبوب في أيدي بشكل رهيب ... شيء مفجع
المهم حاولت بشتى الطرق أني أعالج أيدي
أولاً حطيت نشا وماء مثلج مع ماء الورد
الحبوب ما راحت
طيب ثاني يوم حطيت فازلين وبودرة الأطفال
ولا شيء نفع
ثالث يوم استعملت مرهم كيناكومب – مرهم للجلد
للأسف الحبوب في مكانها ما تحركت
واليوم وضعت قناع طين البحر الميت
وللأسف أصابني الإحباط واليأس
والله إني قاعدة في غرفتي ما نفسي أشوف أحد ونفسيتي تعبت
أول مرة يحصل معاي الأمر هذا ... الحمد لله دائما جسمي وبشرتي صافية
ما أعاني من هذه الأمور ... بس الصراحة مستغربة أيش اللي حصلي
يا بنات أبي مساعدتكم لي ... الله يفرج همها اللي تفرج همي
والله اللي راح تساعدني راح أدعيلها كل يوم في هذا الشهر الفضيل المبارك
كان المفروض اول ماتشلين تستخدمين( المرة )والله مرة حلوة
وكل البنات يمدحوا فيها ...وتقفل المسامات
لأن الحبوب تطلع لمن تكون المسامات مفتوحة بعد الشيل ووتكاثر الجراثيم فيها
سمعتي ثاني مرة لمن تشيلي الشعر كذه سوي عشان مايطلع ان شاء الله مرة ثانية
طيب نجي ذحين للحبوب الموجودة انتي تقولي انك كل يوم تستخدمي شئ شكل
طيب تعرفي لو من اليوم الاول استخدمتي الكينا كومب واستمريتي لين ذحين
كان كل الحبوب راحت ومابقي ولا اثر لها بس انتي عملتي كل يوم شكل
انا اشوف انك تستمري عليه دحين وتخبرينا بالنتايج
آسفة على الاطالة وعلى فكرة توقيعك حلو ههههههههه