يا بنات أشيروا علي بنصائحكم ..هل تشتروا لأولادكم سوني بلاي ستيشن ؟

حبيبتي أمل الروح الله يجزيك الخير على الحرص الشديد في طاعة الله

لكن اذا انتي وكما قلتي بايكون تحت رقابتك وتختارين الاشرطه بنفسك خلاص اشتريه والله يعينك لانه في الاصل التلفزيون والمسجل والبلاستيشن ماهم حرام هم مجرد اجهزه لكن يعتمد على ما يعرض بها هل حرام او حلال
والمؤمن بالله يعرف يفرق ولما يكون يلعب بالبلاستيشن نقصي الصوت على الاخر و شغلي المسجل على القرأن وخليه يلعب مع سماع القرأن عشان يتعود يسمع القرأن ويكون قلبه رطب لسماعه حتى لو ماكان باله على القرأن وتفكيره فقط على اللعب لكنه مع الوقت باينتبه له لان لعب البلاستيشن هي اللعبه الوحيد الي يلعبها وهو هادى وساكت


هذا رايي والله اعلم وانشاء الله اخوتي يفيدوك لان معاهم خبره مع الاطفال اكثر مني

حياك الله ياامل الروح..

جزاك الله خير على حرصك على ولدك الله يرزقك بره وصلاحه ياارب..

مدري يااموله بسألك ...ولدك عصبي..؟؟؟؟؟؟ولاهادي ويسمع الكلام..؟؟


لأن البلاي ستيشين تزيد من عصبيه الطفل بس اذا هو هادي فعادي اشتريه يكفي الحبسه والطفشش وخاصه انه

ماراح يكون قدامه طول اليوم ممكن تحددين ساعه في اليوم وبس..

وتصيرين تستخدميه كمكافأة له لو عمل شئ جيد..

وطبعا ابعدي عن الاشرطة اللي فيها قتال وبحكم عمرة فيه اشرطة للأطفال مافيه ضرب

مدري هذا رأيي وخاصه انه ولد والاولاد يميلون للعب فيه اكثر من البنات..

انتظر ردك..

اتمنى اكون افدتك مو كلام فاضي:26:

اهلين امل الروح
الله يقومك بالسلامة
صراحة ماعندي تجربة لان ولدي لسى ثلاث سنوات

وحنا عارفين اخطار البلاي ستيشن زين
بس احيانا الضرورات تبيح المحظورات
يعني انت بغربة وحامل وتعبانة
وولدك يبي هالشئ مرة وانت ماشاء الله حريصة عليه من ناحية الاشرطة والوقت
فاقولك ارى انك تشترين له
وبعدين ترى الحرمان والضغط يولد الانفجار
لا تحرمينه بس وضحي له وجه نظرك وعلميه ليش انت شريتيه و
بعدين احس بهالوقت يصعب التحكم بالاطفال
ولدي كل ماشاف عند احد شئ فشلني حنا ماعندنا مثله وهو والله العظيم مو ناقصه شئ بس كل اللي عند الغير غير
والله يعينك ياحياتي

جزاكم الله خير يا أخوات على إبداء أرائكم

أختي محجبة جزاك الله خير ..وفكرتك فعلا حلوة وليها أثر طيب ..ولدي كنت أسويله كدة لما يلعب كمبيوتر لكن لما كبر وبدأ يفهم صار يبغ الصوت إذا مافي موسيقى ..طبعا أحيانا يعليه مع الموسيقى وأنا أقله يقفله والله يهديه يارب


أختي أم غادة جزاك الله خير وطبعا أفدتيني الله يعطيك العافية
بس ولدي من فنله الهداوة ..الله يهديه زي الجني ..مايعرف يقعد ..بس امكن مو عصبي مرة مرة وفعلا الأولاد يحبوه مرة ..والله يختار الخير

أختي حرم الدكتور
هادي هي الجملة إلي مخوفتني وبتخليني أفكر بجدية أجبله هو (الكبت يولد الانفجار) الله يعين إذا انفجروا علينا ..


جزاكم الله خير مرة تانية يابنات :26: :26: :26:

وعليكم السلام والرحمة
هلا بالطيبة امل انت زي افكر في هذا الموضوع وخصوصا لمن ارجع هناك عيال الخيلان والعمان والجيران
عندهم كل شي وانا ما ححرمهم بس لمن يشوفو اكيد بقولو زي ما تفضلت حرم الدكتور ليش هم عندهم وانا ما عندي
وطبعا ما حيعرفو اذا هذا يصلحلهم او لا مو بس البلاي استيشن اشياء كثيرة 00 ابوهم هنا يقولي ليش انت حتقعودي طول عمرك عند جيرانك او اهلك هي مجرد زيارة وحترجعي وقتها افطني لبناتك كلامه ما علية غبار بس المشكلة
في الكلام انا عندي وانا عندي وهي كمان حتقول ماما ابغى وتفتح فمها بس ما يبغالنا الا القناع في هذه الاشياء
يعني شافو شي عند عيال عمانهم او خيلانهم وعجبهم00 طيب ما يصلح لهم فممكن اقناعهم بانة ما يصلح لسنكم انتم صغار علية ولمن تكبرو نشوف وقتها او نقولهم مساوئ اللعبة ونطول في الكلام الطفل من طبعة هنا ما يحب كثرة الكلام فايمل منها ويرجع في قرارة 00 او في طريقة ثانية وهذ الطريقة اختي قالتلي عليها عشان جنى كانت لحوحة في كل شي تشوفة قالت اذا بغت شي ما يصلح لها ويضيع وقتها شوفي لها البديل فسرت اسوي كذا عشان ما ابغى اوصلها لمرحلة الانفجار زي ما تفضلت حرم الدكتور هذه مرحلة خطيرة وقتها ينفلت كل شي 00 انا عارفة يمكن ما افدتك بشي بس حبيت احط الي عندي 00 وكمان يا امل مدام يا عيني هوا تحت رقابتك ما يمنع تشترية وتخلية يلعب
فيه بس في حكاية الموسيقى انا فهمت انو كبير العمر كلة ان شاء الله حبيبي 00 اذاً لمن تشوفيه مال ليها ذكريه بعذاب الله انة يصب النار والحديد في الاذن 00 شوفي انا اسوي لجنى كذا وتخاف ولله الحمد ما شاء الله تبارك الرحمن سرنا حتى لمن ندخل السيارة تقول لبابتها باب فكلي القران وفي صوت السديس والشريم فلمن يفتح السديس تقولة لا الثاني هههههههههههههههههههه الله يأمنها وحتى في البيت 00 انا عارفة انك ما تسمعيه اياها بس لمن تشوفي انة مال ليها وقتها ذكرية ونحنا نعرف الممنوع مرغوب عند الاطفال والله يعينا على تربيتهم التربية الصالحة ويأجرك ربي على حرصك والله يبارك فيك يا الطيبة 000