السلام عليكم ورحمة الله وبركاته..
وأنا اليوم في عز تفكيري وعالم السرحان خخخ
دق التلفون.. وبكل فهاوة رديت..
- قالت معك المركز العربي للأبحاث.. احنا نبغى نعمل بحث نشوف الشرائح اللي تشوف التلفزيون ورأيها..
- طيب؟
- ممكن نعمل معك مقابلة؟
- طيب؟
- عمرك فوق 15 سنة؟
- ايه
- أحد من أهلك يشتغل ف الجانب الاعلامي؟
- لا
- تشتغلين؟
- لا
- الوالد والوالدة موجودين؟
- ايه << ودي أكفخ نفسي مدري وش يخليني أرد!
- كم عدد أفراد العيلة؟
- 7 ..<< رقم ع كيفي :22:
- أكبرهم الوالد؟
- ايه
- موجود؟
- لا
- كم عمره
- ما أعرف!
- كم تقريباً
- اممم ## وعطيتها رقم مغلوط.. أنا عارفة بس منيب معلمة (باقي ما اشتغلت الذهانة لين اللحين)
- الوالدة موجودة؟
- ايه (<< على بالي بتكلمها خخخ )
- كم عمرها؟
- ما أعرف!
-كم تقريبا؟
- وعطيتها رقم مغلوط برضو..
- أكبر اخوانك بنت ولا ولد؟
- بنت << مدري وش بي طاقتني البوهة.. أجاوب من غير احساس.. ولا أنا مو عادتي أرد على خلق الله كذا!
- كم عمرها؟
- ما أعرف ( ما تحسون كأن عمري 7 سنوات ع هالاجابات خخخ)
- كم تقريبا؟
- وعطيتها رغم مغلوط.. (بشوف آخرتها معها! << تو أصحصح )
- وثاني شخص ولد ولا بنت؟
- أنتي شتبيين!!
- حنا نبي نعمل بحث على كافة الشرائح على اللي يشاهدون تلفزيون ( بالله؟! وما بعد سألت.. شكلها تسذوب .. حسيته من نبرة صوتها .. ما ارتحت)
- طيب.. وايش ممكن يفيدك عمر كل شخص وجنسه؟ أنتي شتبين؟
طوط طوط طوط طوط
سكرت ف وجهي !!
قليلة الأدب :angry2:
انتبهن يا بنات من هالأشكال..
وممكن ترا تغير كلامها وتقول للرادو << طقة قديمة خخخ
المهم اتركوا عنكن هالدجّالات..
ولا عاد أرد ولا تردن على تلفون وأنتوا مفهيات!
ترا مب زين..
وما أبي إلا الخير لكن..
ودعواتكن :(
الراية @alray_2
عضوة
يلزم عليك تسجيل الدخول أولًا لكتابة تعليق.
فعلن اكثر من مرة يدقون علينا .
ومرة قالت مرة انتم فزتوا معنا ونبي ناخذا بعض المعلومات لكي تحصلوا على الهدية وقالت انا من الامارات وطلعت كذابة .
ومرة قالت مرة انتم فزتوا معنا ونبي ناخذا بعض المعلومات لكي تحصلوا على الهدية وقالت انا من الامارات وطلعت كذابة .
كل النااس عندكم كذاابين ترى فيك كثير يحتاجون معلومات عشان بحوثات يسوونها يمكن في نصابين بس مو كلهم
اليوم دق علي واحد اول ماكلمني كان سعودي وجمبه احد وبعدين غير صوته على اساس هندي ويشتغل في موبايلي وانت في فوز جايزه سياره وانا ماعطيته فرصه يالله بلا نصب واسكر بوجهه ولاعاد اتصل على الجوال
الصفحة الأخيرة
اعوذ بالله من هالاشكاال
وانت الله يهديك وش الله حاادك تردين على رقم غريب؟!!!