يا بنات ادعولي اكتشفت عندي ثقوب في الكبد و البنكرياس

السلام عليكم سيدات و انسات حواء

شخباركم ان شاء الله تمام

بدخل بالموضوع أنا دايما تجيني الام في البطن مرات المعده و مرات قولون و مرا اسفل الظهر :44:

من كم من يووم صار عندي الم فضييع احسه دااخل في المعده لما اكل يخف و بعدهاا يرجع الالم

الم فظيع ما عمري حسيت فيه و مراات في بطني من تحت

رحت للدكتور قال لي هاي اعراض تجي في نص الدوره الشهريه ,يعني لما يكون باقي اسبوعين عالدوره

يعني فتره التبوبيض و لما ما يصير فيه حمل و ما ادري شوو, و قلته ما عمري جتني الام في نص الشهر , قال ما عمرك تقولي ما عمري :42:

المهم قالي سوي اولترا ساوند يعني الموجات فوق الصوتيه, حق البطن ككل نفس اللي اتسويها الحامل و يشوفون البيبي ..

و كان عندي الموعد اليوم رحت صايمه و سوت لي دكتوره Scan حق بطني وخصوصا بطني و الامعاء و اسفل البطن وايد ركزت عليه و كل مره تسألني أول مره تسوين مثل هالأشعه قلتها ايوا :09:

المهم الدكتوره ما قالت شي لانها بتبعث التقرير لدكتوري اللي رحت له في الاول و التقرير بياخد يومين و تبعثه

وعندي موعد مع الدكتور يوم الأحد.

المهم أنا رجعت البيت و قلت بشوف السيدي كان فيه صور كثيره يمكن 20 صوره اللي اخدت بالموجات بعضها

مسمي و شفت الكبد في كذا صوره تخيولووو فيه ثقووب يمكن 19 ثقب بين الصغيره و الكبيره الكبيره 2 تقريبا عرضها 1 او 2 سانتي:(

و بعد في البنكرياس يمكن 2 سانتي او أكثر انا الصراحه انصدمت و بديت اصييييح

و شفت في الحوض يعني فوق العظمه اللي فوق المنطقه الحساسه هي كانت مركزه على هالمنطقه و اخد

صور كثير لها , فيه ثقب عريض شوي عالجانب ما ادري شو هذا و الله لأنه مو في الرحم او يمكن الرحم ما ادري شو هذا بعد :icon33:

و شفت الزايده و أشياء ثانيه مو مكتوب شنو هي بس ما عرفتها أكيد الدكتور هو اللي بيفهمها

أنا واايد خايفه حتى ما علمت خطيبي لأنه هو بعد تعباان مسوي عمليه امبارح في خشمه و حلقه

وما بغيت أخوفه كفايه اللي عنده.

بسألكم في وحده سوت مثل هالتشخيص او تعرف حد سوااه وشو قالولهم

وهل الثقوب اللي فالكبد و البنكرياس عاديه او لا ؟؟ ادري بتقولون مب عاديه يعني شو اسوي عشان ما تكبر

لأني حاسه بأن هالدكتور ما رح يفيدني بشي , و مالي غير الله و انتو يا بنات حواء تنصحوني

وهل ممكن تتطلب حل جراحي :icon33:

و الله أنا وايد خايفه ما عمري توقعت بشوف ثقوب في الكبد عندي , المشكله اني ما ادري شو سببه ؟

اللي عندها أي خلفيه يا ليت تنصحني , و تنصح البنات عشان يستفيدو .


و لا تنسوني من الدعاء خواتي و ان الدكتور يطمني يوم الأحد:09: