يا بنات الإمارات أنا وين بالضبط؟!!

السلام عليكم ورحمة الله وبركاته


يابنات الإمارات أنا في حلجي غصه

نزلت علينا أمطار الخير والبركه وقال ريلي خل نطلع شوي بالسياره عسب اليهال يستانسون بالمطر ع الكاسر

وسرنا ونحن فرحانين

ونزلو عيالي الكاسر يطالعون المطر وهو ينزل على البحر باجمل صوره خلقها بديع السماوات والأرض

لكن بسرعه ماتهنيت بالمنظر وخذيت عيالي ودخلتهم السياره وقلت لابو العيال ودينا البيت مابغي مطر ولا يحزنون

تعرفون ليش ؟؟

تخيلو كل الناس طالعه تستانس بالمنظر ويخربها منظر ثاني منظر مقرف لاثنين من الوزن الثقيل

يسوون حركات بوس وأحضان ويشيل ويحط فيها -عساه يبات في الطوارئ- ولا حيا ولا مستحى من كبير ولا صغير

طبعا مب إماراتيين من جنسيه ثانيه بس جنسيه عربيه

وضحك ومصخره وقسما بالله فورو دمي بالله مافي بيت يلم هالأشكال بعيد عن عيون الأطفال على الأقل

صرنا غريبين في بلادنا ...

صرنا نحسب حساب المكان إللي بنسير له يصلح للأطفال ؟!!ولا للبالغين فقط ؟!!

صارت إللي لابسه حجابها ومحتشمه شكلها غلط!!! ليش؟!!ويطالعوني كأني نازله من كوكب زحل ؟!!

روحو بوظبي مول وغيره وشوفو العجب خفت الله يزلزل هالأماكن من اللي أشوفه لبس للركب وظهر طالع

وبطن طالعه ومن بنات عربيات المصيبه والشباب الصدر بره مع سلسله وواحد حاط مدري شو ع شفايفه

ومجتمعين بنات وشباب بشكل مقرف وأصوات الضحك والمزح الوصخ

..ويزيد العيار يوم يشوفونا نمشي جدامهم...وقسم بالله استحي اسمعه مب أقوله!!

الحقد والحسد في عيونهم عساها الحرق ..

يعني ماراعو البلد إللي لمتهم وأكلو من خيرها يبون يودونها للهاويه

معقوله مافي حد يوقفهم عند حدهم ؟؟

بنات إللي تقدر توصل صوتها لجريده لبرنامج بتسوي خير فينا وبيكون أجرها عظيم عندالله

الله يخليكم ترى دمي يفور ماني قادره أطلع من البيت من هالمناظر الله ياخذهم ويريحنا من أشكالهم ...