يا بنات الامارات >> شوفوا شمس شو سوت ؟؟؟

ساعدوني

السلام عليكم ورحمه الله وبركاته...

ما ادري اذا تعرفون (( شمس )) وحده من بوظبي تسوي مكياج...

المهم..

البارحة كان عرس اربيعتي...

وهي حاجزه عندها تقريبا من اكثر من شهر...

والمفروض تكون عندها بالبيت الساعة 2 الظهر...

الساعة 12 اتصلت اربيعتي فيها تشوفها وين واصلة...

تخيلوا شنو كان ردها...

انتي اصلا مب حاجزه اليوم...

وقالت لها ما بييج...

مع ان اربيعتي مكلمتنها قبل يومين ومأكده عليها الحجز...

وطبعا ما تتخيلون نفسيه اربيعتي كيف صارت...

وحاولنا ندور لها صالون يقبلها ما لقينا...

والحمد لله حصلت وحده اسمها نبيلة من الشارجه ...

ورضت تقبلها وتمكيجها في ليلة عرسها...

وطلعت ما شاء الله عليها قمه في الجمال...
33
3K

يلزم عليك تسجيل الدخول أولًا لكتابة تعليق.

تسجيل دخول

عاشقةالجنان
عاشقةالجنان
مو بس شمس اغلبهم كذا الله يهديهم

زين صديقتك حظها حلو لقت وحده تسويها
نسمةهواء
نسمةهواء
وااااااو


موقف صعب حمدالله اللي عدت على خير
serenity
serenity
دام مأكدين عليها ليش هالحركات بعد!! :S
نفس الشي صار في عرس ربيعتي بس ماكيره ثانيه
حرام عليهم الصراحه يسوون هالحركات في عرايس, لو مجرد وحده معزومه, بتمشي حالها في اي مكان او بتخبص روحها, بس عرووس!! :|

الحمدلله انها عدت على خير و ربيعتج لقت وحده ثانيه
وديمة الإماراتية
دام مأكدين عليها ليش هالحركات بعد!! :S نفس الشي صار في عرس ربيعتي بس ماكيره ثانيه حرام عليهم الصراحه يسوون هالحركات في عرايس, لو مجرد وحده معزومه, بتمشي حالها في اي مكان او بتخبص روحها, بس عرووس!! :| الحمدلله انها عدت على خير و ربيعتج لقت وحده ثانيه
دام مأكدين عليها ليش هالحركات بعد!! :S نفس الشي صار في عرس ربيعتي بس ماكيره ثانيه حرام عليهم...

شوفوا عاد اللي يقهر أكثرمن شمس>>> تقول للعروس أنا الحين في راس الخيمة إذا تبيني أمكيج تعالي لرأس الخيمة...
لأني ما أقدر اسير المناطق الشمالية!!! وما عندي سيارة!!!
مع إنها من البداية كانت تأكد على العروس أنا بمكيجج إنتي أول وعقب بسير لرأس الخيمة ومن هناك بروح لبوظبي!!

(( عنبوه هذي بنت بلادج وجذه سويتي فيها ))

تخيلوا عاد الموقف>>> العروس المسكينة قاعدة تتكلم معاها وتصيح من القهر وطبعاً شمس لا ضمير ولا إحساس ولا
مبالاة!!!

الله لا يبلي أي عروس بهذا الموقف السخيف...
الفارسة السرية
لا حول ولا قوة إلا بالله
الحمدلله انها عدت على خير