يا بنات الحقونا حرمة أخوي تبى تربينا و توقفنا عند حدنا !

السلام عليكم
معليش اتحملوا ابحكي قصة عجيبة غريبة
أنا اخوي الكبير متزوج من عشر سنين وحرمته معانا زي العسل كأنها أختنا وما عمرها اتمشكلت معانا ولا خرجت من أسرارنا شي وتدري بكل شي يصير وأمها كمان زي العسل وننتظر الأيام عشان نشوفها هي وبناتها الباقين
المهم مرت السنين وقال اخوي الثاني يبغى يتزوج قلنا له والله زي فلانه ما بتلقى ـ أخت مرت أخوي الكبير ـ المهم خطبنا له وتزوج وياليته ما تزوج بعد الزواج بفترة طلعت كلام عن أختي اللي في عمرها وصدقناها وكدبنا اختي وبعدين اكتشفنا انها كذابة وبعدها توالت المشاكل أخبارنا أول بأول عند أهلها وبس أخواتك سوو أخواتك قالوا وهاتك يا اتهامات رغم انهم كانوا الروح بالروح قبل الزواج المهم وامي كانت دايما تنصحها بس ما في فايدة وبعدين بنينا بيت من ورث جانا وسكنا وصارت دائما تتضارب مع الصغار لين آخر شي نزلتهم من السطوح وقالت السطوح ملكي أنا وزوجي !:09:وبعدين امي طلعتلها في السطوح وأعطتها كم كلمة وقالتلها البيت مو بيتك بيتي أنا وعيالي وبناتي المهم حتى أختها الي هي مرت أخوي الكبير ما سلمت منها كل يومين مشاكل معاها على أشياء تافهةوتقولها كلام ما قالته المهم أشياء كثثثثثثثثثثثثييييييييرة حصلت الين أخر شي عبت راس أمها بكلام الله اعلم ايش هو وقولت أختي الي في سنها كلام وأمها صكت السماعة في وجه مرت أخوي وحلفت ما تدخل بيتنا ألين ما تعتذر أختي وقالت لأختها أصلا انتي ساكته عليهم لازم أوقفهم عند حدهم وأربيهم والله العظيم ما سوينا لها شيء نداريها مداراة ولمن فاض صبر أمي قالت خلاص بتكلم أبوها بس اختها ماتبغاها توصل لحد أبوها آخر شيء قلنا لأختها قوليلها إدا هي بنت أمها وأبوها اليوم الثاني لاتروح عند أمها بنجي نواجهها أنا وثنتين من أخواتي واليوم الثاني زوجها اكتشف انها كدابة وخلاها تعتذر لأمي وأعطتها امي موشح وهي تبكي ولمن جينا يومتها قالوا خلاص انتهى الموضوع لحد يفتح السيرة وانبسطنا يومتها واتجمعنا في السطوح وهي في بيتها تبكي ومع هدا أختها مرت عليها قبل لاتطلع السطوح تبغاها تطلع بس ما رضيت وهي عمرها 22 ولها ثلاث سنوات ونص متزوجة
والله كرهناها ولا نبى نطالع في وجهها وأخوي قال لو عادتها بيطلقها وعندها بنت بالله قولولنا كيف نتعامل مع هدي الفئة من الناس والله مرة تعبنا معاها بالله تعطونا حل !:icon33:
وآسفة على الإطالة والتطفيش والكلام المكركب والي بتسأل اي سؤال انا حااااااضرة:26: