انا متفائله مع تحسن الميزانيه والاتجاه الى اصلاحات البنيه التحتيه للبلد>>>( اقول يازينك ساكته)

انا مو من الرياض
ومقيمه بجده
لكن ما ادري ليش فيني حـــــــــــــــــــب للرياض ماهو طبيعي
ومن اسمع عنها شي يجيني شعور غريب
ومن اروح لها والله يابنات من اول ما تنزل الطياره بمطار الملك خالد احس براحه نفسيه ماهي طبيعيه
مع ان بــــجده أماكن كثيره ومجمعات ومنتزهات عالبحر و ........و.......و....الخ
لكن ما ارتاح بجده واحسها كأبه وأحلى مافيها انها قريبه من مكه
عكس الرياض

طيب جربي روحي لمنتزه سلام حلوه كبيرة ونظيفة ومرتبة
بس لاتروحين لها ايام اربعاء وخميس لأنها بتصير مليانه اجانب من هنود ومصاريا واللي تبين
وسط الاسبوع مافيها احد كثير......

يا حليلكم يابنات
والله وسعتوا صدري
كنت احسب اني لحالي
طلعنا كلنا في الهوى سوا
بصراحه الدرعيه بحياتي ما رحتها واحس انها برا الرياض مدري ليه
يمكن لانها بعيده مررررره
والمنتزهات اللي في الثمامه كلها تقريبا نفس الشي مع اختلاف الاسم
وبصراحه يبيلها جمعه وشله بنات وونااااااسه
بصراحه مدري وش ابي
وزي ما قالتوا اول ما نسافر عنها نشتاق لها بسرعه مدري ليش

مســـــاء الفــــــــل واليــاسمين ياأحلى مدينة بالكون... الـــريــــاض ...

بصرااااحة زعلتوني يابنات ،، ياكفي الرياض هواءها ألي يرد الروح
وفعلا مثل ماقالت الغالية...شاليمار... والله معاها حق فعلا نفس الحال في دبي والكويت وكثير من المدن..
الرياض غير أسواقها ومطاعمها الحلوة وشوارعها إلا لايعلى عليها
عندك كثير من المنتزهات ،، وكورنيش الرياض "الثمامة" وخاصة فانتزي لاند،،والواحة والساحل والبحيرة وقرية الثمامة..
وإذا قصدكم البحر ،، والله الحمدلله أنه ماعندنا كان وش صار فينا مع الرطوبة في الصيف..
والله إذا رحت لجدة والشرقية أحمد ربي أنه ماعندنا بحر في الرياض..
والناس ألي عندها بحر ماعندهم غير الجلسة قدام البحر ،،وأحنا في كثير من منتزهاتنا عندنا هالبحيرات والجلسات الحلوة قدامها ألي أنظف بكثير من البحر وريحته والواساخة ألي عنده..
هذا غير المعارض ألي كل فترة تقام في الرياض..
والله مافيه أحلى من الرياض..