يا بنات الكويت ساعدوني انا وزوجي الله يخليكم

السلام عليكم ورحمة الله وبركاتة

انا متزوجة منذ 2 سنة وللان لم يحدث حمل ذهبت لعمل تحليل هرمون وطلع ان هرمون الحليب مرتفع شوية وبعدين الدكتور قالي انة مرتفع بس مش للدرجة الي تمنع الحمل المهم راح زوجي وعمل تحليل هرمون لقي عدد الحيوانات المنوية 4 مليون والحركة ضعيفة وشوية التهابات بس المهم اخذ دواء والدكتور قال مفيش مشاكل وبعدين رحت عملت سونار لليوم ال13 من الدورة والكتور الاول قالي مينفعش حمل الا عن طريق التلقيح المجهري وكانت نفسيتي بالمرة وقتها زفت ورميت تكالي علي الله بس بعدين كل البنات الي تزوجو بعدي الي حامل والي ولدت وانا لسه محصلش حمل بس الحمد لله علي كل حال وبعدين رحت تاني لدكتور استشاري في مستشفي الهادي والدكتور قالي التبويض عندك كويس واديني انا علي دة الحال ومحديش في الدكاترة فادني بحاجة ومش فاهمة منهم حاجة ومدونيش الا دواء الهرمون بس

طيب اعمل اية عايزة حد يكون شاطر اتابع معاة ويسمع ليا ويطمني عليا انا وزوجي والخلفة دة من عند الله بس اقولكم حاجة انا بيني وبين نفسي متضايقة ومش عايزة ابين لزوجي وحاسة ان حظي بالمرة تعيس مع ان ربنا ناعم عليا بحجات كتير الحمد لله وزوجي طيب جدا ساعات احس ان ربنا زي ما بيكون بيبلغني ان الانسان مش ممكن يكون عندة كل حاجة لاني اول ما اتزوجت حسيت ان ربنا رزقني بنعم كتير واولها حنية وطيبة قلب زوجي بس اعمل اية نفسي يكون عندي بيبي يقلقني بالليل واسهر علية والعب معاة واودية المدرسة نفسي في كدة ومش كتير علي ربنا .