يا بنات الكويت ------- نداء هام

ردينة بصراحة انا ما جربت لكن عن اللي اسمعه ان الزوار بيونج بيونج سواء سويتي استقبال والا لأ لأن هذا مو عرس لا هاذي ولادة القراب مثلا بيونج كل يومين او 3 ... والبعاد صعبة تلزمينهم بيوم او يومين كل من بييج على فراغته لكن انا سمعت عن وحده تستقبل الناس مثلا كل اثنين من كل اسبوع جذي معقولة عالاقل صج اريح من انه كل يوم احد اييج ...........

نحن عندنا اذا سويتيلهم استقبال او ما سويتي بيون يعني بيوون..يعني في المستشفى..
و بصراحه انا كنت توني وااالده و تعبانه اتمنى ايلس بروحي شويه.. و الحريم الله يهداهم هجوووم
ما انصحج تسوين استقبال في المستشفى...البيت اريح لج
و السموووووووحه:27:

حبيتي الأخت ردينة أنا جربت الأثنين لذلك راح أقولج الفرق

المستشفى :
تفتكين من أغلب المعازيم في يوم أو ثلاثة و تتفرغين لج و للبيبي بعدين و الغرف هالوقت في المستشفيات الخاصة و لا فندق 5 نجوم فواجهة حلوة لكن بالفعل انتي تكونين مرهقة من الولادة و مالج خلق عالأقل أنا كنت جذي. بعض الناس أنا شفتهم ما شاء الله مو باين التعب عليهم فعلى التساهيل من رب العالمين. و الناس ساعات تجي في أي وقت و ما يمديج ترتاحين.

البيت :
يعطيج شوية راحة في البداية بعدين ينهدون الناس و تقريبا كل يوم و ما يكون لج وقت مع نفسج. الا اذا كنتي ناوية تسوين استقبال في البيت و هذا متعب جدا.

في النهاية المسألة كلها تعب بس انتي تقررين متى تتعبين تبين تتعبين في البداية و ترتاحين بعدين اختاري المستشفى أو ترتاحين في الأول و تتعبين بعدين اختاري البيت

على فكرة أنا حتى بعد استقبال المستشفى يوني ناس في البيت اللي ما قدرو يجون في المستشفى
أدري طولتها عليج لكن أنا من تجربتي المستشفى وايد أحلى و أشيك و ارتحت بالفعل بعدين
انشالله أكون أفدتج و الله يهون عليج :26:

لا والله لا تسوينه فى المستشفى اصلا الوحده تكون تعبانه ومالها خلق ولاناس متفرغين حق السوالف والضحك وانت وحده تبين تنامين وترتاحين

بعدين احنا الناس عندنا لو سويتى استقبال بيجونك قبل وبعد وانت ما تضمنين ان الناس كلها تجى فى هذا اليوم

انا اخر مرة سويت استقبال فى بيت امى بعد شهر من ولادتى اللى جونى خالتى والاقرباء جدا اللى ما يبيلهم كلافه والباقى قلتلهم انى راح اسوى استقبال وفعلا جوى كلهم فى الاستقبال

أهلين ردينة ...

الله يهون عليك إن شاء الله ...وما شاء الله الخوات ما قصروا
مع تجاربهم ..

أما عن نفسي ...لم أجرب الإستقبال في المستشفى
كل إستقبالاتي في البيت وتقريبا بعد شهر من ولادتي...لأني أكون إرتحت شوي
والبيبي كبر شوية ...
ولمدة يوم واحد ...لأن المكان واسع والحمد لله...

بس إذا تبين رأيي ...إعملي الإستقبال
في المستشفى ...بس على شرط ...إنك تحددين ساعات معينة...
يعني لا تخلينها سايبة ...راح تتعبين وااااايد

يعني تبلغينهم بأن الإستقبال مثلا من الساعة السادسة
إلى التاسعة مساءا ...وهكذا تكونين على الأقل الصبح متفرغة
للرضاعة ونفس الوقت تاخذين قسط من الراحة والنوم الكافي..وممكن
زوجك يزورك وهو مرتاح ...

هذا رأي الشخصي ...وعذرا على الإطالة
وأتمنى لك السلامة بإذن الله .
:26: