يا بنات اللي ما حصلت البيبي فيس تدخل واعلمها خلطه الرتن A

هلا بالغاليات...

انا استشرتكم بكريمات اوباجي ولقيت الرد مب حابين تستخدمونه لانكم مجربين من قبل .. ما عنكم لو سالتوني بقولكم انا وحده من الناس جربته والحمدلله اشكر فضل رب العالمين لو مب هذا المستحضر كان ما حصلت جسمي ورقه بيضه ولا علامه فيه ما عني مستخدمتنه من حوالي 3سنين وقفت منه لما شفت بشرتي وجسمي لون واحد وملمس بشرتي من وجهي لين ريلي تقولين بشره بيبي ..

واكبر دليل على ان مستحضرات اوباجي روعه .. اني يوم حبيت اجرب البيبي فيس عشانكم واتاكد من مفعوله وانزله لكم .. النتيجه كانت جددت لون بشرتي زياده في خلال 5 ايام ولازلت استخدم بيبي فيس 1 بدال التونر لماركه اوباجي ..

المهم .. انا شفتكم حابين تستخدمون رتن Retin A
انا ما اعرف اي كريم فيهم تستخدمونه اللي خطه اصفر ولا ازرق .. وهل انتوا تستخدمون بس كريم رتن Retin A وبدون اي كريمات ثانيه تخلطونها معاه ؟؟ انا اليوم بنزلكم الخلطه اللي تحل محل البيبي فيس واسالوا اي دكتوره جلديه قبل لا تستخدمونه .. وباذن الله بتتاكدون اني كنت صادقه لما عطيتكم هاي الخلطه . وطبعا طريقه الاستخدام بتكون مب مثل البيبي فيس .

تروحي الصيدليه وتشترون كريم 1% Locoid لوسويد علبته نص اصفر ونص ابيض
كريم رتن اللي خط ازرق Retin A
ومحلول رتن ايه سليوشن Retin A solution
غسول ستيافل يستخدم فقط للوجه لان عندكم في السعوديه غير متواجد الستيال ويستحسن لو حصلتوه تستخدمونه لانه يستخدم للوجه والجسم
صابونه oilatum للجسم وقت الاستحمام
الواقي روك او افين 60%

اليوم الاول+الثاني + الثالث
قبل النوم تغسلي وجهك بالغسول وتاخذي مثل حبه البن على كف ايدك من كريم Retin A وكريم Locoid 1% وقطره وحده بسسسسسسسسسسس من محلول
Retin A solution
وتوزعي بوجهك {وارجوووووووكي اتبعد يه عن منطقه اللي حولين العين + وجوانب فتحتين الانف والمنطقه العلويه والسفليه للشفاه } اما الذقن عادي

اليوم الرابع+الخامس+السادس{اذا البشره لازلت فيها احمرار}
اكتفي بالغسول والواقي اذا كنت طالعه وفي النهار اما بعد صلاه العصر وقبل النوم كريم الفوسي كورت .

وارجعي بنفس طريقه الايام 3 السابقه ويومين راحه .. وتمي على هذي الطريقه الين ما تلاحظي انك وصلت للنتيجه المرضيه .. واكتفي بالغسول والواقي .

اما الجسم دبلي في الخلطه
{ يعني تاخذي كميه ربع من صبعك السبابه من كل كريم و3 قطرات من المحلول }
وادهني منطقه الظهر والصدر والكتف والزنود او اي بقعه في جسمك كل يوم بعد الاستحمام مستخدمه الصابونه oilatum واذا لاحظتي منطقه الصدر او الزنود حمره حطي الفوسي كورت عليها ووزعي الخلطه عالظهر لان منطقه الظهربشرتها خشنه وتريد وقت عشان تتصفى من البقع .


واي استفسار انا فى انتظاركم .. باااااااي