يا بنات انا اليوم انفجرت

انا انفجرت يا بنات اليوم الصبح طلعت المستخبي لا وعلى من ؟؟؟؟؟ على بناتي
اللي لا حول لهم ولا قوة...:(
انتو تعرفون ان الوحدة منا تصبر وتصبر وتصبر وبالنهاية تنفجر خلااااااااااص ما عاد تتحمل
انا تعبت من المسؤولية اللي حاملتها فوق راسي بروحي لا معاون ولا مساعد غير الله سبحانه وتعالى
انا انفصلت عن زوجي وساكنة بشقة بروحي مع بناتي الثنتين .. طبعا تزوجت شخص ثاني بس
من دولة ثانية وهو مو ساكن معاي يعني لا حامل مسؤولية شي ولا شي وجوده زي عدمه مثل ما يقولون
وطبعا مثل ما تعرفون مسؤولية بيت وبنات وشغل شي صعب وخاصة اني متحملة كل هالشي بروحي
تصورو من تطلقت والله انه ابوهم يوم كامل على بعضه ما خذاهم عنده بالكثير ياخذهم ساعتين ثلاث ويرجعهم
وبنتي الصغيرة صار لها 4 أيام مسوية اضراب عن الروضة مو راضية تروح تعبت كل يوم اجيها بأسلوب غير بس مافي فايدة سويت لها اغراءات وتحذيرات وووووو بس مافي فايدة.
بس البارحة وعدتني انها اليوم تروح والصبح اقومها عشان تروح سوت لي الموال اليومي دموع وصياح ماتبي تروح والله يا بنات من القهر طبعا مو بس قهر عليها على كل شي سحبتها من يد وحدة ودخلتها الحمام وسبحتها
وهي طبعا ما زالت تصيح طبعا ماقدرت البسها المريول لانها معاندة بالقوة.
واقوم واتصل على ابوها واعطيه من ذاك الكلام انت مو متحمل مسؤوليتهم انا خلاص تعبت منهم ومن عنادهم وبلاويهم تصورو يا بنات كل شي علي مو متحمل أي جزء من مسؤوليتهم كأنه طلقهم هم بعد مو بس أنا
واحلف اني اخلي بنته في الشقة بروحها. واجهز اختها الكبيرة والبس واطلع واخليها بالشقة بروحها وهي تصيح وتترجاني ماما لا تخليني بروحي وانا قلبي يتقطع عليها وفي نفس الوقت القهر ذابحني وابي انتقم من كل شي
طبعا انا قلت لابوها اني بخليها بروحها بالشقة واذا تبيها تعال اخذها انا مالي شغل فيها خلاص قلبي تعب
منها تصورو يا بنات قعدت بالسيارة انا وبنتي وشغالتي وانا اسمع صياح بنتي والله عمري ما راح اسامح نفسي
على اللي سويته اليوم.
واقول لشغالتي قومي جيبيها وتجيبها واروح اوديها لابوها قلت له خذ بنتك تحمل مسؤوليتها بروحك
وبعدين وديت بنتي المدرسة وجيت الدوام.

والله يا بنات تعبانة ماني عارفة شسوي ذبحتني المسؤولية تصورو برنامجي اليومي ما يتغير
اقعد الصبح اجهز البنات وأوصل الكبيرة المدرسة والصغيرة الروضة والشغالة أوديها لأمي وأروح الدوام
أطلع من دوامي 12 الظهر وارجع آخذهم ما أوصل البيت الا الساعة 1 وعلى ما ابدل لهم وأغديهم وأشوف
واجباتهم صارت الساعة 3 العصر وأرجع أوديهم لأمي وارجع الدوام وما اطلع الا الساعة 8 بالليل
طبعا ارجع آخذهم وارجع البيت واحط لهم عشاهم وينامون وانام بعدهم على طول من التعب

طبعا هذا برنامج يومي من السبت للخميس والله اني يوم امرض ما الاقي احد يوديني المستشفى
لو احتاج اي شي مضطرة اطلع واجيبه بروحي
والله ان الموت أرحم لي من هالحياة تعبت والله تعبت صايرة لهم الأم والأب وهو مرتاح

بس انا اليوم هببت من تطلقت وانا ما اتكلم عن ابوهم الا بالخير جدامهم عشان ما تتأثر نفسيتهم
بس اليوم قلت اللي في قلبي كله جدامهم والله يستر خايفة كلامي يأثر عليهم