يا بنات انقذوني كيف اتصرف؟؟؟؟؟؟؟؟؟؟؟؟؟

اهلين بنات كيفكم كيف الجميع ان شاء الله الكل بخير وصحه وعافيه
يا بنات جد مادرى وش اسوى وين اروح من استشير مدري وش اقول اخر شي كنت اتوقعه صار
كنت يوم الاربعاء اللى راح عند حمولتي:44:
المهم انا لاحظت شي غريب ذاك اليوم الحلا والقهوه والشاهى والحشيمه لي:eek:
مو العاده العاده انا اللى اصب لنفسي وانا اللى اجيب الحلى والقهوه واناديهم يالله ياكلون او يشربون
ويتعلثون فيه بعد وكان عشاهم اشكال والوان وكل شوى خوذى يانهى كولى يانهى ليه صايمه يانهى
وش فيك ما اكلتى وخالتى شوى وتحطنى بحجره وتوكلنى:06:
انا نغزني قلبي من كل هالحركات وقلت الله يستر فيهم شي او بيسوون فينى شي
المهم خلص العشاء بعدها جاء خالى ابو زوجى وخالتى
ولاحظت ان البنات كلهم قامو من المجلس
انا والله يا بنات وقتها مغصنى بطني بقوه:icon32::
المهم جلسو معاي خالتى وخالى يحكون شلونكم شخباركم ويسولفون ومسفهلين:a_smil17::laughing:
المهم بعدها دخلو في الموضوع على طول قامو يحكون ان الاسلام يقول اخطب لبنتك ولا تخطب لولدك ومن هالكلام
قالى خالى انه قد شاف ولد عمى ويكون اخوى من الرضاع انه رجال وكويس مره وكلن يمدحه:35:
انه يبينىانا اكلم اهله عن بناته اللى هم خوات زوجي زوجى له اختين اعمارهم وحده24 والثانيه28
وولد عمى هاذا عمره تقريبا 33
ويقول خالى انه مو لاقي احسن من بناتى وانى ترى هاذى اول مره اسويها بناتى مو رخيصات ومن هالكلام
انا بصراحه بينى وبين نفسي فرحت شوى لان لو تم الموضوع على خير وانخطبو بناته على الاقل بيعاملونى كويس:2thmup:
ولا راح ينكدون علي زي اول
المهم اجتمعو عمانى يوم الجمعه عشاء
وقلت لمرة عمى عن الموضوع ورفضت:blink: قالت لا والله ماراح اخطب لولدى خوات زوجك ولدى اصلا يقول ما يبي اقارب ولا يبي ناس يعرفهم
حاولت اقنعها ماش معنده ما تبي وبصراحه ما قالت لي سبب واضح بس انا عادى ما الومها ولدها وبكيفها
لكن انا اللى بتطيح على راسي السالفه اخت زوجى الصغيره اللى عمرها ما دقت علي بحياته صارت تتصل كل يوم وتسولف
وحسيت من كلامها كانها تقول اشياء زي اللى تقول وصليها لهم
يعنى انها تعرف تطبخ وانها سنعه ومن هالكلام:44:
وانا الحين انلخمت مادرى وش اسوى وش اقول لخالتى وخالى طيب اذا سألونى عن السبب وش اقولهم لانه اصلا مافي سبب واخاف يحقدون علي بزياده والله يا بنات اللى مرت بمثل هالموقف تقولى الله يوفقها وانتظر ردودكم لانى الاربعاء لازم اقوله وش صار؟؟؟؟؟؟؟؟؟؟؟؟؟