يا بنات ايش حدود خدماتك لزوجك

السلام عليكم

ماشاء الله تبارك الله على منتدى حواء ما يمديني اكتب موضوع الا وطاير للصفحه 15

اللهم زد وبارك خخخخخخخ

المهم يا بنات ودي اعرف ايش اقصى شي تسوينه لزوجك ؟

يعني بدون لف ولا دوران .. انا متهمه بين قرايبي اني اخدم زوجي زياده عن اللزوم .ز الحين صرت ما اعلمهم وش انا اسوي عشان افتك من كلامهم

يعني مثلا بالاضافه الى اني اطبخ له واغسل واكوي وانظف انا اللي اشتري له ملابسه الداخليه وشراريبه

انا اللي افصل له الثياب .. اذا كان عنده سفره انا اشتري له ملابس السفر اذا برد او صيف وانا اللي اجهز شنطته

اذا رايح عمره انا اللي اجيب له الاحرام

انا طبعا عندي سواق ومصروف البيت بيدي وزوجي عنده دوامين وتجاره خاصه يعني مشغول كثير

بس لا حظت في الفتره الاخيره انه صار يعتمد علي بكلللللللل شي انا ما ادري صح والا غلط اللي انا اسويه

صار يقول لي احجزي للسواق اذا بغى يسافر ويقول لي احجزي لي وروحي اشتري التذاكر ومره يقول روحي صلحي كمبيوتري ومره قال لي روحي المكتبه واشتري لي برامج ومدري ايش يعني مدري

طبعا العيال ماله علاقه فيهم ابداااااااااااااااااااااااااا ما يركبون حتى بسيارته دايم معي وكل اغراضهم علي ومواعيدهم وامراضهم ودراستهم كلو كلو علييييييي

ومره جرحتني كلمه من اختي كنت طالعه معها للسوق ودخلنا محل ملابس داخليه نسائيه وحبيت اشتري قميص نوم جديد فقالت لي اختي زوجك ما يستاهل تتشخلغين له المفروض هو اللي يتشخلع لك لانك انتي الرجال وهي تضحك
:( والله مره ضاق صدرييييييييي ما حسيت بنفسي كل همي كان اني اريحه

معقوله يا بنات هو بعد ينظر لي هالنظره اني مسترجله .. هو دايم يمدح فيني ويقول الله يخليك لي وما اقدر اعيش بدونك بس مدري عنه يمكن يعطيني كلام رخيص عشان اريحه وياخذ راحته باشياء ثانيه

خصوصا من فتره اكتشفت انه مسافر يتمشى وهو قايل لي عنده شغل

ادري طولت عليكم بس ودي اعرف فيه احد مثلي كذا ؟؟ طيب هل يمديني اعوده يخدم بيته والا خلاص راحت علي