السلام عليكم
انا من حملت وانا دخلت منتداكم وتابعت معكم وشفت مواضيعكم واستفدت كثير
الين وصلت الأسبوع ال27 بدأت احس بتعب وحراره وضغط اسفل الحوض وقت الجلوس
المهم وكنت اشنغل واجهز شنطه النونو وتوزيعات النونو الين وصلت
الأسبوع ال29 بالتمام
وفي هذا اليوم من الصبح وانا اشتغل
واحس قطعه غليظه بيضااء نزلت مني
احس اني مقدر اجلس لاني بكريه مدري وش السالفه كلمت المستشفى قالوا تعالي عشان نطمن
رحت لهم قالوا الرحم مقفل بس علامات الوضع المبكر
ارجعي البيت واذا حسيتي بشئ تعالي
عاد انا رجعت البيت ونمت عادوقتها لما رحت قال ان عندك التهابات وهي الى تحفز للولاده المبكره
عطونى مضاد للألتهاب اخذته ورحت نمت
وعينكم ما تشوف الا النور :(
العصر بدأت بطنى تألمنى احس معي امساك
الله يكرمكم
كل شوي يجينى المغص في بطنى واروح الله يكرمكم الحمام احززق احززق :( ولا يطلع شئ
قلت وش ذا الأمساك
ويجنى الألم كل شوي واروح للحمام مغص واحززق :(
صار بعد العششا والساعه قدامي وقلت اراقب الساعه
لقيتها كل خمس دقايق حزقه
ما جا في بالي انه طلق ابد ابد ابد
الين صار 12 بالليل صارت كل دقيقتين واروح الحمام واحزق واصار من الألم ولا اقدر اجلس على حيلي
المهم زوحي قال قومي نروح المشستشفى
المهم واول ما وصلت الطوارئ زوجي قالهم ولاده قلت له :mad: وش دراك ؟ تراه امساك
قال بنشوف
واول ما دخلت غرفه العنايه الخاصه قلت للدكتوره لحظه شوي ورحت الحمام وحززقت ولا نزل شئ :mad: << مصممه انه امساك
المهم وبعد المراقبه قالوا انه الرحم مفتوح 3 سانتي :35:
دخلوني غرفه العنايه الخاصه (( ترانى في ارامكو)) ياكثر الغرف العنايه الخاصه
ويعدها عطونى ابرتين اخذها كل 12 ساعه عشان ما يقدروا يولدنى لان رئه الجنين ما كتملت
وجلست يومين الين جا الطلق الطبيعي
وكل مرره يفتح معي الرحم الين صار 10 سانتى
قال الدكتور بنحاول نولدك طبيعي لان الحبل السري قريب من راس الجنين ما نقدر نخاطر ونسحي الجنين
المهم
ودخلت غرفه الولاده
وحاول الدكتور وقتها وفتح الكيس وفجأه قفل الرحم 5 سنتي
قال وقتها ما نقدر نولدك طبيعي
وقتها قرر لي القيصري
وعطونى تخدير نصفي وكان ولله الحمد مريح جدا
ولله الحمد بعدها بشوي لقيت النونو الغاليه بنتي
رزقنى الله بطفلتي الجميله الله يحفظها ويحفظ عيالكم
تفاحه @tfahh
عضوة
يلزم عليك تسجيل الدخول أولًا لكتابة تعليق.
روح آفله
•
الحمد لله على سلامتك ياارب ومبروك البنووته
الصفحة الأخيرة