السلام عليكم
كيفكم يا بنات
عساكم بخير
ندخل في المفيد
اللي تعرفني من قبل تعرف أني كانت الفتره الماضيه عندي أمتحانات صعبه وطويله
وخلال هالفتره زود على الضغط النفسي اللي نعيشه في الأمتحانات
ما ندري وش نصادف من ظروف الحياه
المهم
موضوعي هذا لي من وراه قصد مو بس حكاية أني أفضفض وبس
نبداء
لما قربت الأمتحانات صرت أدور على شغاله تمسك البيت بدالي لأنو أنا المسئوله عن كل شيء من طبخ وتنظيف وأهتمام بأخواني ودواماتهم
دورت ما رضيت أي شغاله تطلع من جده (بحكم اني مو ساكنه بجده) حاولت ألين عجزت بس أبيها شهر أدفع لها 1600 (بدون اطفال وبدون طبخ)وكمان ما رضيوا يطلعوا
طيب
حاولت وجبت من الشغالات اللي بالساعه تنظف البيت وتغسل الهدوم والأواني وتمسح وتروح
المهم
ما دريت إلا مرت أخوي متصله علي وتقول الشغاله مالها لزوم أعطيها حقها وخليها تروح
وجاء أخوي وتفاهم مع الشغاله ومشاها من البيت
أول يوم أختبار كان الأحد
السبت المغرب وأنا نايمه ما دريت إلا ريحة القهوه فايحه واللي ترفع صوتها وتقول يالللا يا ديمه قومي وتفتح الغرفه وتدخل أطفالها يصحوني
صحيت ولقيتها جايه من بيتها مجهزه حلا ومسويه القهوه ومصحيتني عشان أروق للمذاكره
ياربي تسعدها من قلب قلبي أقولها
المهم ما قصرت فينا من ترتيب للبيت ومساعده لأختي الصغيره وكل شيء كنت أسويه قامت به تحلفين أنها أختي وأن هذا بيت أمها
يوم الأحد داومت (أنا دوامي سفر وما أرجع إلا الساعه 4 العصر ) لقيتها مجهزه الغداء ومرتبه البيت ومتصله فيني لما قربت عشان تجهز الشاي على وصولي
جاء زوجها المغرب وخذاها لبيتها على أساس أنو أختباري الثاني يوم الثلاثاء
يوم الأثنين أتصلت لها وقلت لاتجين نقدر نمشي وضع البيت بكره أرتاحي في بيتك
اتصلت المغرب وقالت العشاء أنا سويته لا تسوين شيءوالغداء بكره يتدبر لاتشيلي هم
الأسبوع اللي بعده كان أختبارات كااااااااامل
يوم السبت جات بعيالها وتركت زوجها يداوم من السكن التابع للشركه (يارب تسعدهاهي وياه ياكريم ولاتغير عليهم)
وجلست عندنا للأربعاء
تخيلوا أنها في بعض الأيام تطبخ الغداء لأخواني وإذا خلصوا الغداء عني تطبخ لي غداء لوحدي
طيب بعد هالكلام
أقول (الله يجعلها قرة عين زوجها ووحيدة قلبه وبيته وأسأل الله ييسر لهم بناء بيتهم ويكون مثل ما يتمنون)
قولوا آمين يا بنات
الخلاصه من هذا الموضوع ....والشاهد في كلامي
أنكم يا بنات عقدتوني من أهل الزوج وحسستوني أن الحياه بين الحموله والكنه حرب
والحاصل أن فيه نماذج حلوه ومشرفه
مرت أخوي الله يسعدها طيبه وأحنا مثلها بالطيب (ابشركم زوجنا أخوي الثاني أختها وكنا بنخطب أختها الثالثه لأخوي بس أنها صغيره)
يا بنات كلكم لازم تبدون بالطيب سواء كنتم أهل زوج أو زوجة ولد
لازم تعرفون أن الحياه لازم فيها خلافات وانا وهي حصل بيننا خلاف وتزاعلنا ومن بعد بكره كل وحده مننا حبت راس الثانيه وأستسمحتها
لازم تتجاوزون الخلافات الصغيره وتحسبين وش سوت من الطيب (حتى لو كانت زوجة أخوك أحسبي لها طيبها)
وللمعلوميه تراها تنفست عندنا بأطفالها الأثنين وخدمناها بعيوننا
اللي تشوف موضوعي تافه تقفل الصفحه وتطلع الله يسعدها
وأدعوا لي بأهل الزوج اللي يحبوني مثل ما نحب زوجات أخواني والزوج الحنون الراهي اللي يقدرني
ـــــــــــــــــ(تعديل )ــــــــــــــــــ
أول شيء / صار هالموضوع للتفاؤل وظهرت نماذج كثيره تدل على أن الخير موجود والطيب في كثير من القلوب
2/ أخوي كان من قبل يخطب دايم يدعي بالزوجه اللي تزيد حب أهله في قلبه ولا تفرق بينه وبين أهله (والله عطاه بدعائه)
ما شاء الله ولا قوة إلا بالله
ديمه المطيري @dymh_almtyry
محررة ماسية
يلزم عليك تسجيل الدخول أولًا لكتابة تعليق.
lady lady
•
ماشاء الله ..الله يديم المحبه بينكم..
خالة سيف
•
الله يجزاااها خير ويخليلها عيالها
ويرزقك باللي تتمنين
بالنسبه لموضوعك يالغاليه...
بنات الاجواد واجد
انا وحماتي اخت رجلي اكثر من خوات الحمدلله
ومرت اخوي اختي اللي ما جابتها امي
ويرزقك باللي تتمنين
بالنسبه لموضوعك يالغاليه...
بنات الاجواد واجد
انا وحماتي اخت رجلي اكثر من خوات الحمدلله
ومرت اخوي اختي اللي ما جابتها امي
غيلانة
•
ربي يسعد قلبها ..
أحب الناس المتفاهميييييييييين
الله يجعلها قرة عين زوجها ووحيدة قلبه وبيته وأسأل الله ييسر لهم بناء بيتهم ويكون مثل ما يتمنون
ويرزقك بالزوج الصالح ،، ويكونون أهله مثلكم وأحسن ..
ياااااااااااااااااارب
أحب الناس المتفاهميييييييييين
الله يجعلها قرة عين زوجها ووحيدة قلبه وبيته وأسأل الله ييسر لهم بناء بيتهم ويكون مثل ما يتمنون
ويرزقك بالزوج الصالح ،، ويكونون أهله مثلكم وأحسن ..
ياااااااااااااااااارب
الصفحة الأخيرة