يا بنات جاوبوني بكل صراحة

لا طبعا ولا مكان احد تزوج هنا الجانب الأسود بس اما المشرق محد يطلعه 🌚

طيب لاعاد تدخلين هالقسم😬


وين يفضفضون ؟

لاياقلبي الرجال مو سوا والشي الثاني الان جيل واعي سواء الزوج او الفتاه الزوج قبل مسوي سي السيد الامر الناهي لكن الان جيل النساء القويات المستقلات تعرف مالها وماعليها
ولاتسمح له باستعبادها واضيفي الى ذلك للمنتدى يعرضون مشاكلهم للفضفضه او لايجاد الحلول او للدعاء
بينما الجانب الجميل والسعيد مراح تجي تكتب عنه انا اليوم سعيده صار كذا وكذا
خلاصة الكلام المنتدى ليس مقياس للزواج اسال الله العلي العظيم ان يرزقك الزوج الصالح اللي يسعدك ويهنيك ويكون لك اجمل شي بالحياه

لالا لاتصدقين ترى كلنا الي نتشكى بس نطلع من المنتدى نروح نلبس السروايل الفسفوريه ونتزبرق ونقابل الوليف بلعطور والبخور وننسى اصلا كل شي ونفلها حتى الشيطان ينتتف اشنبه من الروعه اعرسي وانبسطي وماعليك خلاف

يعني معليش ماحولك متزوجين وحياتهم مستقرة
اكيد في ومليانين
هنا المنتدى يضم امكن مليون عضوة
لما تقري ل ١٠٠ ولا الف وحدة تكتب مشاكلها
من مليون
اكيد بتكون
نسبة لاتذكر
مافي احد كامل
ولا في زواج سعيد طول العمر
اكيد في مساكل وحزن وخصام وخلاف
لكن لو الزواج مبني على اسس
اكيد مهما اختلفو بيوصلو لنقطة يتفقو عليها
هذا غير ان لو قريتي هالمشاكل
اهم سبب فيها هي انعدام الاحترام
والتهاون بالحقوق لدرجة تصير الزوجة اشبه بالخادمة
اتزوجي وانتي عارفة حقوقك
لاتتهاوني فيها تراعي
لكن من غير تنازل
والاحترام يكون بينكم لاتتجاوزوه مهما صارت بينكم مشاكل وخلافات