طيب بنات انا زوجي وده يمل ماجستير برا وانا متحمسه معاة بس المشكله ان تقديره كان مقبول يعني احس ان مافي امل هو ذكي وعنده طموح بس للاسف ظروفه بالجامعة كانت ضدة ابسالكم هل ممكن يتم قبوله ومين تعرف احد مقبول وابتعثوه
تخصصه صحافة واعلام تكفووووووووووووووووووون عبروني بصراحه مليييييت من ذي البلد والله مليت

كنت مثلك اتمنى اغترب احسه اريح من العيشة وسط مجتمع تهمه الاجتماعات والالتزامات

لكن بعد غربة سنة وتركت دراستي بالسعودية لاني مرافقه لزوجي حسيت بتعب وخلال السنة هذي ماانجزت الا كم شهر لغة فحسيت اني مررره ضعيفة بسبب ظروف مريت فيها وهي اني فقدت اول حمل لي تخيلي تعيشين بموقف صعب ونفسيتك تعبانة ومافي احد حولك مافي امك اهلك يواسونك يوقفون معك وفوق هذا زوجك مشغووووووووول هو فاضي يواسي نفسه والا يواسيك

غير المثل اللي يقول من طلع من داره قل مقداره... اولها امس شرطي استقعد لنا وعطانا مخالفة والسبب ان زوجي وقف السيارة في مكان ما يسمح فيه بتوقيف السيارة وهي مافيها ركاب بس انا كنت موجودة لكن واقفة جنب السيارة مو راكبة السيارة!!!

لكن في ميزات للغربة وهي انك تكتسبين تجربة جديدة وشخصيتك تصير اقوى من اول واكثر اعتماد على نفسك

انا ماانكر ان اول سنة كنت جدا مبسوطة في الغربة وماابي ارجع لكن حسيت بعد السنة الاولى انها متعبة خاصة بالعيد لما اهلك يرسلون لك الصور وتشوفين الصغار كبروا تتمنين انك تكونين معهم خاصة ان الصغار يكبرون وهم مايعرفونك حتى لما تزورينهم اول مره بعد مدة يقعدون يناظرون فيك كانك شخص غريب خخخخخ

والله انا مثلك ياقيوانيه كنت اتمنى اتغرب وودي اسافر لكن بعد تعب ولدي شلت هالفكره من راسي نهائي وارتحت وقررت تكون سفرات قصيره اغير فيها الجو وانبسط

يمكن غربه الدراسه او تغيير الجو لمده ضروريه خصوصا لتجديد الحياه الزوجيه
لكن ما انصح بالغربه الطويله لانها مررره

عادي ياقيوانيه

انا مييييييييته ودي نروح نسكن لو سنه

اعتبرها تجربه جديده حتى لو كانت سيئه

اذكر عقب ماتزوجت بفتره .. زوج اختي راح يكمل دراسه برى وطبعا بتروح معه وكانت حالتها النفسيه سيئه جداا وصياح وشششي
وكنت اقول لها شرايك اروح انا بدالك.. كنت مقهووره منها
والحين شوفيني لي عشرين سنه متزوجه واسافر برى كل سنه تقريبا وللحين ودي اتغرب :)<< ماعقلت هالعجوز

طبعا مستحيل نروح بعثات لانو زوجي عمله مافيه بعثات ابد << حاولت فيه قال مشي خشتس مايعطون