يا بنات حواء ارجوكم محتاجه طرق طبخ الروبيان

السلام عليكم
غاليه اختى والطلب رخيص تدللى هنوووووووووو وياج
اول شى تجيبين الربيان وتنظفينه عدل من الخيط الاسود ويتبل با ليمون والملح ربع ساعه او اكثر
يغسل الربيان جيد ثم يشخل من الماء وبعد ذلك يسلق نصف سلق مع البها ر والملح وبعد ذلك يشخل فى المصفاه
يقطع البصل ناعم ثم يحمس مع الربيان والثوم المدقوق ونضع الكركم والبها ر والفلفل الاسود ويحمس جيد
ضعى الكزبره الخضراء المفرومه والشبت على الحشو ويحمس ثم تضعين الملح وقليل من الطماطم المبشوره حتى تحسين ان الرائحه الزكيه اطلعت
فى تلك اللحظه تكونين عامله رزمشخول وحاطته بامشخله وتحطين الجدر على النار اول شى تحطين دهن بعدين اشوى رز وبعدين اشوى حشو كأنك تسوين طبقات واخر شى حطى ماء الزعفران وتحطين حتى يتكون بخار الرز وتوطين عليه النار حتى النضج واذا تحبين تحطين بطاطا صغير على الرز عادى
وعواااااااااااااااااااااااافى

وعليكم السلام
شوفي عزيزتي هذه طريقتي بطبخ الروبيان مع الرز
تاخذين الروبيان وتنظفينه وتشلين عنه الخيط الاسود الي بالظهر وتحطين بالجدر شويه زيت وتحمسن فيه البصل المقطع وتحطين عليه الروبيان مع الكاري والفلفل الاسود وتحمسينه عدل الى ان ينشف الماء الي يطلع منه وتضيفين عليه 2 ملعقه معجون طماطم والملح وتحمسينه شوي وبعدين تصبين عليه الماء وتخلينه يطبخ معاه اللى ان يستوي
وبعدين تشيلين الروبيان على جنب وتحطين الرز المنقوع على ماء الروبيان وتخلين ماء الروبيان اكثر منه بحوالي اصبعين ولما تشوفينه بدى الماء يقل حطي الروبيان على الرز وحاولي تدفنينه داخل الرز وقصري على النار وخليه تقريبا ثلث ساعه وبعدين قدميه بصحن التقديم وبالعافيه عليكم
انشالله تعجبك الطريقه

السلام عليكم
هنوووووووووووو لا زلت معاج على الخط
مرق الربيان على طريقه هنوووووووووو
اول شى تنظفين الربيان عدل بس هذى المره بدون سلق
تحطين الجدر وفيه البصل والثوم ويحمس جيدا وبعدين احط الربيان بعد تجفيفه من الماء ويحمس احط البهار والفلفل الاسود عليه والملح وبعدين احط الفلفل الاخضر المقطع مع الطماطم والكزبره الخضره والشبنت ويحمس واخر شى احط معجون الطماطم حتى يحمر ويتكون عندج صلصه واحط الطماطم المضروبه عليه ويحمس وبعد ذلك اضع قليل من الماء حتى الاستواء
ملاحظه حطى ليمون اسود مع الرق اذا تحبين يقدم مع العيش المشخول والطرشى
عوااااااااااااااافى

السلام عليكم
الربيان المشوى
يغسل الربيان مع ازاله الخيط و الراس بدون ازاله القشره ويتبل بليمون والفلفل الاسود وقليل من صلصه الشواء والثوم المدقوق ويتبل اكثر من ساعه وبعد ذلك يوضع بصينيه الشواء مع البصل والطماطم وووووووووووو يقد م مع السلطه والطرشى والخبز
اذا تحبين تحطين الربيان باسياخ عادى

حبيبتي انا هذي الطريقه معتمدتها عندي وقد نزلتها زمان في المنتدى

وهي تنظفي الربيان
وتقطعي بصل كثريه
وبعدين تحطي البصل تكشنيه
وتحطي عليه الربيان
وتجيبي كزبره ورق وتغسليه وتطقطيه صغير
وكمان بندوره مقطعه صغير
وتحطي كل هذا على الربيان وتوطي النارعليه
وتحطي شوي مره صلصه وماجي وفلفل اسود وشوهيل حب وقرفه
وخليه على النار وقلبيه كل شوي
اه صح حطي كاستين مويه وخليه على الين مايتسبك او تحسي المرقه ثقلت
وبعدين غسلي الرز واسلقيه نص سلقه وسقطيه على الربيان من دون ماتحركيه وغطيه بقصدير او قدر الضغط وخليه على نار هاديه

وبعدين عند التقديم
اقلبي القدر وصحتين وعافيه
ولو جربتيه راح تدمني عليه