يا بنات حواء يرحم والديكم اعطونا اجابه نهائيه تراكم ادوختوني !!!!!!

اولا السلام عليكم ورحمة الله
مشكلتي يابنات انه بقى على ولادتي عشرة ايام وماني عارفه راسي من رجليني
صار لي اكثر من شهر وانا احوس في النت ادور على برامج للنفاس مو بالضبط برامج لا ابغى اعرف ايش تشرب النفاس وايش تاكل وايش تسوي وايش تمتنع عنه ولحد الحين ما طلعت بشي
يا بنات الله يوفقكم ارسوا لكم على بر
ناس تقول خذي حلبة في البدايه وناس لا
ناس تقول ابتعدي عن العشبة الفلانيه وناس لا
تنقعي في مره ولا تلمسين المويه
اربطي بطنك ولا تربطين
اشربي ولا تشربين
تبخري بالشي الفلاني وناس قالوا غلط
يعني وش الحل يا بنات ,,,,الله يوفقكم علموني على الاشياء المهمه والاساسيه والمجربه فعلا والمتفق عليها في كل مكان
ترى مابقى الا كمن يوم وانا ما استفدت بشي وماعندي احد يعلمني هالاشياء الا الكريمات منكم واخاف اني اروح فيها فترة النفاس من جهلي
ياريت يا بنات تعلمونا بالاشياء الاساسيه والمجربه وبصراحه انا ودي تتكلمون عن اشياء محدوده بالضبط وهي
بخور النفاس ؟؟ ايش اسمه وايش مكوناته ومتى اتبخر ؟؟؟وش احسن شي
غسول النفاس ؟؟ايش نوعه وانقع والا بس تشطيف ؟؟
مشد النفاس متى وكيف ؟؟
مشروبات النفاس,, ومحدده الله لايضيع تعبكم ,لاني ضعت من كثر الاعشاب واخاف اني بدل ما اكحلها اعميها ؟؟اهم شي واللي لايمكن تركه ,,وفي اي فتره من النفاس تؤخذ؟؟
اهم واهم واهم شي التزم فيه وانا نفاس ؟؟؟
هل العطارين يعرفون الشغلات ذي لو سالتهم ؟؟؟؟
هذا اللي انا ادور عليه وتراني يابنات ما وثقت في اي مكان اروح له الا انتم لاني ادري انكم ماشاء الله محل ثقة وادري انكم ماراح تكتبون الا وانتم متاكدين
يا بنات انا ادري ان لكل منطقه عرفها في الاهتمام بالنفاس بس ابغى شي مشترك والكل يجمع على صحته الله لا يحرمكم الاجر ......