انا فردت فرد مائي بس ابغا اسئال هل بعد الفرد يرجع الشعر نفسه ولللأ انا شعري مائل للنعومه بس انه فيه تجاعيد شويا :17: :cook:
بس يطلع كانه مسشور

بالنسبة لتجربتي مع الفرد
بصراحة فردت شعري مرتين
مرة وأنا عمري 14 سنة كان شعري ناعم بس مطعج شوي .. بس اللي سوا لي الفرد كان أخوي والمشكلة انه ما عنده اي خبرة للفرد فجاب لي فرد قوي مرة ( تبع الزنوج ) وصار يفرك الفرد في فروة الشعر ؟؟؟؟؟
المهم طلع شعري خشنننننننن جدا والشعره واقفه وكنه شعر زنوج بدون مبالغة والله العظيم أحس شعري الى الحين متضرر رغم انه مر الحين 10 سنوات وحتى انه جهه صايره انعم من الثانية ( الظاهر إن أخوي الله لا يحرمني منه فرك الفروة كويس في جهه والثانية رحمها ))

المرة الثانية قبل سنتين تقريبا فردته في مشغل هالمره ( أخوي كبر وعقل )
بصراحة في البداية طلع شعري تماااااااام وناعم بس بصراحة ما كنت اسوي له حمامات زيت لجهلي
بعد شهرين بدا يتساقط بشكل مرعععععععععب والله اني اشوف الخصل تتطيح وأحس قلبي بيطيح معها

أعوذ بالله وفيه شغله ثانية تضايق في الفرد انه لما يطول الشعر يبان مفرود من تحت ومطعج من فوق
يعني بلا فرد بلا هم والله يازين الشعر على طبيعته الاستشوار ارحم مليون مره
وحتى لو ما جاب نتائج مرضية وبصراحة الحين بديت اتجه للتجعيد وربي أحسن خاصة اذا كان الشعر مصبوغ
يطلع التجعيد جناااااان

:17:

اختي الذهبية مرحبا .. بالنسبة لسؤالك لا هذي ماهي اول مرة افرد فيها يمكن رابع مرة بس ان توقفت من ثلاث سنين عن الفرد وحسيت ان هالمرة احسن لانها قالتلي انها بتبعده عن الفروة كم ملم + حطت زيوت معاه + نصحتني بعمل حمام زيت لان شعري تعالج كيميائيا وممكن يتكسر اكثر من اول وبصراحة ماحد يشك ابدا اني مسوية فرد لانه طالع طبيعي مرة زي كل مرة اطلع فيها وان مسشورة بس الفرق اني انا حاسة فيه اثناء التصفيف لاني اختصرت الوقت وبعد التصفيف ما يخرب اذا تعرضت لحر او رطوبة ...وسلامتك

انا شفت مره وحده في صالون وشعرها ناعم بس فيه تعرجات تقوللصاحبه المحل ابي افرد شعري بس اخاف يخترب

لان شعرها ناعم قالت لها لاتخافين هذي اعشاب

تبون الصج انا طول مانا موجوده اشوف العالم كسره على هذا الفرد الي شعرها ناعم ولا خشن تسوي لهم مع انها غاليه والله شاطره في كل شي

يعني الاشياء الكيميائيه موزينه وهي تقول وتحلف انها اعشاب :26:

هلا بنات
فيه نظام جديد لفرد الشعر اسمه اليوكو سيستم فظييييييع
اعرف وحده مسويته شعرها طلع مثل شعر الصينيات فظييييييييييييع ولاهو واقف ولا شاقص من تحت زي انواع الفرد الثانيه
هو اختراع ياباني اعشاب وبعدين مكواة خاصه تملس فيها الشعر ويقعد من 8 شهور الى سنه اتوقع حسب مايطول الشعر
تقول لي البنت ان ريحة الاعشاب ذكرتني بالطحالب البحريه ولما قرينا اكثر عنه طلع فعلا من الاعشاب البحريه
كتبوا عنه في مجلة الجميله مره وان ممثلات كثير مسوينه منهم (جنيفر انيستون ) حتى باحد الاجزاء كان شعرها سااايح مره
وبرضه طلع مره بقناة المستقبل سمير اسمر تكلم عنه وعن طريقته يحمس ولما شفت البنت الي سوته اقتنعت تماما
وهي مبسوطه بشعرها مررررره تطلع من متروشه وبالفرشاه تسرحه وبس وقبل كانت تطلع تمعط شوشتها بالاستشوار الين تدوخ
هذي البنت صغيره مسويته بلبنان عند رجال واختها المسكينه سوت معها بس عند حرمه وماتغير على نفس تجعيدته بس تقول هبط
بس شعر اختها يدوووووووووووووخ

:26: