انا انشاء الله زواجي بعد سنة تقريبا واحس نفسي ضايعة مدري اشلون ومتوترة لا اعرف اطبخ ولا اشتغل في البيت واغلب الوقت نوم وقراءة ومن زمان ااجل فكرة الزواج مع اني احب خطيبي بس احس ان الالتزام شيء صعب علي والدلع اللي في بيتنا راح يتحول الى مسئولية مدري هل في وحدة تحس بنفس احساسي او انا اللي مو طبيعية البنات يتمنون العرس وانا كل مالي وااجل!!!!

هلا والله باختي وحبيبتي اديم يسعدني تكونين اول المبتدئين وانا اوافقج الراي ان نبتدي مع بعض ان نعتني بشعورنا والطبخ شوي شوي انا بحاول اجمع الاشياء البسيطة عشان ابتدأ فيها اول الشهر شهر سبتمبر واتفنن فيها في شهر رمضان وشو رايج؟؟؟؟؟

هلا والله باختي رهوفة فكرتج وايد حلوة ان تجمعين الطبخات اللي تعلمتيها في كتاب ما شاء الله عليج شكلج طباخه ماهره ما نقدر عليج خلاص ههههههههه اذا في خاطري اي طبخه بسألج انتي عن مكوناتها . وان شاء الله نشوفج ست بيت عما قريب ان شاء الله ونحن وياج

اختي ماجيك لاند هلا والله فيج انتي مثلي ما تحبين الطبخ وما لج في المطبخ بس لازم نتعلم ولا باجر بننفضح جدام عريس الغفله هههههههههه

اختي وردة بس غير شكل هلا فيج يا الغاليه انا من اليوم ورايح اذا محتاجه اي استفسار بسألج انتي عن الطبخ اوكي والله يرزقج بالولد الحلال اللي يستاهلج ان شاء الله

اختي ليدي هلا والله فيج حبي تعرفين انا امنيتي مثل امنياتج اني اقوم من الصبح من وقت وادخل المطبخ واكون ست بيت ممتازة بس يا فضيحه ان العكس تماما ودايما الوالده تعاتبني على هالشيء بس قررت اني اكون شطورة واتعلم الطبخ

اختي عديل الروح يا مرحبابج يا الغاليه تعرفين قصة صديقتج مشابه قصة صديقتي دايما كانت تقول انا وين والزواج وين انا مستحيل اتزوج ويوم انخطبت اتخبلت البنت لان ما سوت احتياطاتها من عنايه واهتمام والحين ما شاء الله اصبحت ام عقبالنا يا رب

اختي يا ربي شكثر اعاني يا مرحبابج يا الغاليه فعلا فكرتج وايد حلوة وانا بموضوعي هذا نتكلم عن اي شيء يخص الاستعدادات سواء كان على الصعيد الجمالي ولا البيتي ولا استعدادات الزواج يعني اي شيء يخص الاستعدادات وانا سعيده بمشاركتج معانا

مرحبا ..
اوكي موافقه واذا بديتي نبهيني ..

بس احب اقوووول لك اني في الطبخ حليوه << يعني اعرف على خفيف..

والشعر طبيعة شعري مجعد ولحد الكتف...

استناااااك حبيبتي..