أحب احيي كل بنات ديرتي (قصيم العز )
وابي اقدم لكن خدمة
حبيباتي المكافحات الطموحات ... بما انه ما فيه وظايف ...
واللي طموحة فيكم وتبي تسوي (البزنس الخاص فيها )
بس ما فيه (Caaaaaaaaaaaaaaaaaaaaaash)
ما عندها سيولة ولا عندها ممول .
برغم انه الحكومة الله يطول بعمرها ويحفظها ما قصروا
الا انه ما زال المواطن يعاني . بفضل خسائر الاسهم و غلاء الاسعار و البطالة المستتبه .
المهم
فيه الجهات المقرضة .
سواء بنوك او صناديق داعمة . بس ليها اشتراطات معقدة واهمها واصعبها (وهو من حقهم ) وهو
الكفيل الغارم
واللي الكثير ما يقدر يدبر الكفيل الغارم .
فكثير منا يتبادر لذهنه (صندوق المؤوية )
كمبدأ ... جميل جداً ... و متعاونين جداً .. و كل شي بسهاله ويسر ...
من خلال تجربتي .
ولكن .. قرضهم
قرض ربوي .
نجي لعبد اللطيف جميل
كمان حلو ..... بس يجب عليك تحقيق نسبة سعودة . .... والسعودي ما يمكن يقوم مشروعك ويحقق ايراد لانك ما راح تلاقي السعودي اللي يشتغل عندك . .... لانه بيروح هو بعد يقدم على عبد اللطيف جميل .
نجي لمان ديفان العجلان .
ممتاز جداً لرجال .
كل تكاليف المشروع عليهم ولا فيه بضاعه راح تخسروها ولا شي .
ولكن للرجال فقط .ما يصلح لنا يالحريم .
عندي البديل .
البنك السعودي للتسليف والادخار .
http://www.scb.gov.sa/
اشتراطاتهم سهله جداً
واهم شي ........ انهم ما يبون كفيل غارم . لانهم بيرهنون المشروع لحين ما تسدد كل قيمة القرض .
وسقف الحدى الاعلى لقروض المشاريع الصغيرة يوصل لـ200 ألف ريال .
فيه اضافه جميلة .. ورائعه ..... بكل ما تعني الكلمة من معنى .
بس بخليها سر ...
اللي تبيها تراسلني على الخاص .
((((( عاملة تشويق في الموضوع ))))
وان شفت نسبة الردود حلوة .... برغم انه طبيعية مواضعي تحقق نسبة عاليه بالردود والله الحمد
راح اقوله على العام . :27:
مودتي و حبي لكم يا بنات الديرة .
مسآئك فل ..
الله يحيك ويبقيك ويخليك لعينن تررجيك ..
الله يرفع قدرك ..
موضوعك رآئع .. الله ينفع بك ..,
بالتوفيق لكم جميعآآ ..