يا بنات سؤال مهم حبوب الكالسيوم والفيتامينات لو ما اكلتهااا الحامل

والله يا قلبي أختي جابت خمسة ما شاء الله
وعمرها ما أكلت حبة لا حديد ولا كالسيوم تقول أتغذى كويس وخلاص ونهاية الحمل تضرب أبرلفقر الدم
وأولادها ما شاء الله صحة وذكاء
وأنا دايم أنصحها بس ما ينفع
وبعد آخر ولادة تعالي شوفيها ما زالت الى يومك حيلها مهدود وصحتها بالحظيظ وعظامها تطقطق كنها عجوز
اللي أعرف أن البيبي ياخذ حاجته من الأم حتى لو ماتغذت بس هي اللي تروح فيها

شوفي ياعمري انا كنت مثلك ماقدر اكلها بس غصبت نفسي عليها انا ماكنت اتغذا كويس فخفت عل البيبي انه يصير عنده نقص بعدينانا الي بتحسف كلها كم شهر وترمينها توكلي علالله وخوذيهاعلشان البيبي لا تتحسفين بكره لاسمح الله

والله حبيبتى لو مو مفيده جان ما عطونا ياها
وبعدين البيبي ياخذ كل شئ من الأم عشان جذى يعطونا مكملات سواء حديد كالسيوم وغيره

لازم شوى تضغط إختك على عمرها وتاخذ عشان صحتها إهيا والكالسيو الفوار هذا أنا بعد أستخدمه وااايد حلووو بس أنا بالليموووون :)

صدقينى قوليلها لو مامنها فايده محد أخذ وتعب عمره خل تغصب عمرها وتقدر تاخذ الحديد بعد الريووق والكالسيوووم دام إنه فوار حتى لو قبل لا تنام
وإذا إهيا مثل حالتي نسايه خل تخليه دايم جدامها عشان تذكر وتاخذ :/

الله يتتمم علينا يارب العالمين

طبعاااااا مهمة

اصلا الكالسيوم والحديد مو للجنين للأم البيبي موناقصه شي بياخد من جسم الام
والحبوب تعوض
خليها تاخدها مو كويس لصحتها هي

لا لا لا لا
المفروض انها تاخذها مو عشان البيبى عشانها هى لان الطفل ياخذ كل شى من الام وهى لابد انها تعوض
بالذات من بعد الطفل الثالث لان مايهد الحرمه الا الحمل والولاده
الركب تدمر والاسنان ياربى لك الحمد والشكر
انت شوفى عيادات الاسنان اكثرها حريم ليه؟؟؟؟؟؟؟؟
لابد تعتنى بصحتها ولا انها بتوح فيها
اجل لو ماهى مهمه ليش يصرفونها
بالذات المراكز الصحيه تراه مو بذخ لكن يعرفون انها مهمه
انا اسفه طولتها عليك لكن ما احب ان اشوف وحده ماتهتم بصحتها لان لو طاحت والله ما حد بينفعها