فعلا استخدام الماجي موجود بس مكن تستخدمين نفس المقادير بس بدون الماجي
لانه اختياري انا احيانا مااحطه دايم
بس في العزايم يصير اهم شئ الطعم احطه

هلا اختي هنوده
طريقة الكبسه قطعي البصل صغار ولوتحبين حطي معه ثوم مفروم واحمسيه في شوي زيت حتى يتشقر وحطي بهارات حب ( ورق غار -قرفه-فلفل اسود-كزبره -ليمون اسود ) وبعدين حطي الدجاج او اللحم وقلبيه مع البصل وحطي البهارات المطحونه -فلفل اسود - ماجي ابيض -ملح وقلبيها مع الدجاج بعدين حطي الصلصه والطماط المطحون وخليه حتى يتسبك مع الدجاج ثم حطي الماء وخليه يطبخ حتى يقارب ينضج الدجاج بعدين حطي الرز اللي تكونين غاسلته من قبل ومنقعته نصف ساعه وخلي المويه تكون مرتفعه عن الرز شوي بس وخليه على نار متوسطه اذا بداء يشرب الماء وقلة مويته خلي النار هاديه حتى ينضج ويجف الماء تماما واذا تخافين مايضبط اذا خفت مويته شوفي حبة الرز كيف اذا انها لانت وبدت تستوي خلاص هدي النار واذا انها قاسيه زيدي شوي ماء وفيه بعض الاخوات يسوون حركة الملعقه اذا حطوا الرز على المويه يدخلون الملعقه ويوقفونها اذا وقفت في الرز معناتها المويه زينه اذا طاحت معناتها نقصي من الماء حتى تثبت شوي الملعقه بتكون المويه زينه وان شاء الله بيضبط معك اذا جربتي وحده من لطرق هذي

وبالنسبه عن الماجي في كتاب الاطباق المميزه انا ما احطه في اغلب الاشياء
ومياياثر على الطعم بصراحه اطباقها روعه حتى من دون ماجي
وانا طبقت منه اشياء كثير وماشاء الله تبارك الله لذيذه
ومضبوطه تمام

يسلمو يابنات افدتونا

هذي روابط الكبسات سبق حطيتها لعضوه اخرى ادخلي عليها وانشاءالله تلاقي الي يضبط معك
http://forum.hawaaworld.com/showthread.php?t=1095544