يا بنات شوروا علي وش اسوي مره مقهوره

السلام عليكم


كيفكم يا بنات ؟

يا بنات انا مره مقهوره .. زوجي سوا شركه مع اخوه من 3 سنوات والحمد لله توفق بفضل ربي وكثرت الفلوس في يده
انا طبعا تحملت سنين معه على حياة الضيق كل قرش محسوب وكنت صابره واقول الحمد لله وهذا نصيبي وفيه اللي اقل مني ويالله لك الحمد وبيتي على قد الحال اثاثه قديم وعيالي ينامون على الارض بس ميخالف


الحين يا بنات اللي قاهرني ان اخوه ماشاء الله من يوم كثرت فلوسه وهو طالع في بيت ملك ياخذ العقل ماشاء الله والاثاث من اغلى محلات الرياض لا وجايب مصمم ديكور بيتهم ماشاء الله كانه اوتيل مو بيت من فخامته الله يهنيهم
والسفر يسافرون مرتين بالنسه على الدرجه الاولى .. ودخل زوجته جامعة سلطان لانها ما انقبلت بالاهليه وانتم عارفين اقساطها كم !! يعني مدلع زوجته آخر دلع
وانا اترجاه اكمل دراستي في معهد دبلوم وما يرضى يقول مصاريف مالها داعي
واقول له ابي اسافر ياااااااااااالله بالموت رضى وبيوديني سياحي والرحله طويله يعني كسرت ظهر قلت له زودها شوي وخلنا نرتاح يقول لي ما تنعطين وجه :44: والله يا بنات ان عنده ملايييييييييين واقول له ابي اغير بس جدران الصاله متقشره والله اني استحي اذا احد دخل علي يقول لا

ويوم عزمتني مرت اخوه في بيتها قلت له والله ما ودي اروح اخاف اروح لها يضيق صدري من بيتها واتنكد يقول لي روحي وانتي مغمضه :35: يعني مررررررررره مستحقرني

لا وخواتي يقولون يالخبله لا تخلينه يخبي الفلوس بكره يتزوج فيها وتموتين قهر صحيح

يا بنات والله ضاااااااااااايق صدري الحين زواج اخوي في الصيف وابي افصل ما يبي يعطيني الا 1000 ريال يا ناس وش تسوي الالف ؟؟؟؟ شعر والا ميك اب والا فستان والا وش :icon33:

تصدقون يا بنات ان سلفتي واهل زوجي قد خلصوا فساتين زواج اخوي وانا ما بعد :icon33:

كل مره اقول لنفسي يا بنت اعقلي ولا تقارنين وعيشي حياتك ماااااااااش ما اقدر انا عايشه بين الناس واشوف ويزيدني قهر ان زوجي عنده بس مستقل بقيمتي

هذي اخرة صبري معاه