يا بنات شورو عليّ .. تخطى حدوده ولازم اسوي شي

يا بنات ساعدوني

انا في ضيقه الله يعلم فيها بسبب مشكله في الجامعه

هي المشكله تخصني مع زميلتي و مشكلتنا طالب يدرس معانا

انا ادرس في جامعه مختلطه .. و الحمدلله عارفه ربي و لازمه حدودي و ما اتعامل مع زملائي الا بكل احترام و افكر في الشي الف مره قبل ما اسويه

المشكله ان في ماده اخذها انا و صديقتي و تستدعي ان احنا نكون مجموعات من 3 .. و كانت المجموعه اللي انا فيها انا و صديقتي و طالب ثالث و الدكتوره هي اللي كونت المجموعه .. من بدايه الكورس و شغلنا كله مع بعض لان احنا بيقيمونا على اساس الشغل الجماعي .. عاد الله يسلمكم الاسبوع اللي فات حسيت هالولد بدا يتجاوز حدوده معانا .. يعني يسأل اسأله مالها خص ابد باللي قاعدين ندرسه .. و يكلمني و اهو مطيح الميانه و عااااادي ولا همه و يعلق على اشيا بعد مالها خص في المقرر

و انا و صديقتي نحس بنفس الشي .. و انا وايـــــــــد متضايقه ابغي اوقفه عند حده بس مو عارفه شلون و خاصه اني ملزومه فيه عشان انجح ..

شورو عليي يا بنات شاسوي ؟؟

و الله يجازيها خير اللي بترد علي