يا بنات صارت لي مشكلة وأنا متفشله مره ورأيكم يهمني رجاء شاركوني

السلام عليكم

سافر زوجي الأسبوع اللي راح لهله المهم كان ناويها يومين بس ويرجع اتصل علي وقال يمكن تتمدد لمدة أسبوع لأن أبوه يبغاه يسافر فيه يمشيه :44:
وأنا زوجي مشغووووووول جدا أساسيات البيت ما يقوم فيها مشغوووووول جداجدا
المهم قلت الله يساعدك مع أنه ماكد مشاني من زواجي أكثر من سفره يومين

راح هو وأبوه- للمعلوميه أبوه عنده 4 عيال غيره - وكلهم في نفس ديرتهم وبعضهم ما تزوجوا
بس مدري ليه جت على زوجي حتى الحج كان ناوي هذي المره يحج فيني لأني ما أفرضت الفرض لما درى أبوه قال لا حج فيني أنا وحج مع أبوه وأنا سكت ولا بينت له أبد اني متضايقه مع أننا متواعدين من العام الماضي أنه يحج فيني ولا بقى إلا بس قص التذاكر حتى كنت أرضع ولدي فطمته عشان الحج !! الله المستعان
وهالمره راح يمشي أبوه وزوجي الفاضل ما يتصل أبد علي بالجوال ولا يرسل لي رسايل ولا كأن بيني وبينه معرفه أبد المهم كل ذا ولا صار شي
رجعوا لديرتهم واتصل على جواله ولا يرد ضاق صدري قلت ما فيه إلا إني أدق على جوال أبوه
دقيت على جوال أبوه ورد سلمت وهليت ورحبت قلت وينكم الحين وانا كنت ما دريت أنهم واصلين قال حنا واصلين الصبح وهذانا نتغدى قلت أجل زوجي أكيد نايم قال لا هذاه عندي خذي كلميه
كلمته قلت وين جوالك ؟قال يشحن بغرفة ثانية قلت متى تجي قال بكرى المهم زعلت قلت بسلامتك متى ما جيت:30:
المهم بعد خمس دقايق صار عندي موعد ضروري بكرى الصباح وهذا الموعد ما يخلص إلا
لازم بزوجي قمت اتصلت بجواله ما رد فاتصلت على جوال ابوه قلت وينه عطاني اياه
قلت له لازم تروح الحين ترد على جوالك
صك السماعه من أبوه ورد من جواله وقلت له لازم تجي الحين عشان عندي موعد ضروري بكراوصار بيني وبينه نقاش حاد مثل ليه تسفهني ولا تتصل ولا ترسل
المهم جاء عندي العشا ومع السوالف قال ان أبوي درى اننا متزاعلين وقال رح ياوليدي لعيالك
هو درى الظاهر لأن زوجي ناوي يجي بكرى وغير رأيه وكذلك لأنه مادق علي يحسب انه ما دق من مشكله


مشكلتي : ان ابو زوجي درى عن المشكله وصرت كاني مشفوحه بس الاحق ولده وموقفي صعب وأنا متفشله منه مره لأنه هو يحس أني أخلاق مره ومدلعه ولده وأخرتها أسوي كذا معه

أرجوكم هل تصرفي خطأ باتصالي ببوه ؟
ولو كنتم في مكاني وش يكون تصرفكم

جزا الله خير كل من تعاون معاي
وشكرا