يا جماعه أنا تعبت :( زوجي ما يرضى اروح للدكتور وأنا أعالج عند دكتوره وأنا أسمع بصوصو من وأنا بالجامعه لمن كنت بنت أسمع صديقاتي المتزوجات لكن زوجي ما يرضى :( عموما بقولكم شغله أنا رحت عند أم مشعل وهي أخذت نبضي وقالت لي عندك ضعف في المبيض وانسداد في الرحم يعني بدون فحص بس من النبض عموما أنا قلت يمكن هي تعرف شغلها وعطتني كيس فيه أعشاب وعلبه هم فيها شغلات مطحونه وعسل أنا قبل النوم سويت لي حليب وحطيت في العسل والاعشاب الى في العلبه 0000

خمس دقايق جان احس بضيقه بصدري وبديت ارتعش من البرد واحس لاني دايخه مو قادره اسشيل روحي تعبت حيل حتى زوجي اعتقد ان عندي تسمم سألني انتي ما كله شي قلت له لا اضريت اسكت لآنه ما يدري وبليل تعبت أكثر وأحس اني بموت روح-ي اطلعت يا بنات شوي ولا اروح الحمام واضريت تكرمون استفرغ الى شربته وبعد مااستفرغت ارتحت والصبح استفرغت بعد علما باني قبل لا آخذ هالشغلات قريت عليها آيات من القرآن قلت سبحان الله بعد يمكن شغله مو زينه المهم آخر شي ارتحت مع ان طعمه كان عادي لكمن شربت بس شوية مراره عموما بالآخر هي امس قالت لي بعد الادويه بيوم تعالي امرخ لج أنا بصراحه خفت ومارحت قلت بعد هالدوا شبيصير فيني وما رحت اليوم شرايكم بالسالفه يا بنات ؟؟

أنا اقول احسن شي اصبر وادعي الله سبحانه يرزقني بالذريه واراجع دكتورتي وبس والحمدالله على كل شي وكل الى ابيه منكم تدعولي يا بنات في صلاتكم أنا ما ابي شي غير اني اسعد زوجي الى وقف معاي وجزاكم الله خير 00

زين دقى عليها وقولى الى صار معك هى اخبر يمكن مفعول الدوا هالشكل

ولا أدق ولا شي سبحان الله أنا من الاول مو مرتاحه لهالسوالف

انا قلت لك روحى للحرمه اى فالصباحيه انا بنفسى مجربتها وماراح تضرك

بعدين يمكن الدوا هذا بداية مفعوله

علشان كذا قالت روحى وتعالى بعد ماتاخذى الدوا عادى تصير مع ناس غيرك

لنتى شكلك خوافه

*أميره*

ماتشوفين شر......
انا بعد ماحب هالسوالف......
انصحج تروحين للدكتوره ماجده اليتامى اهيا استشاريه امراض نساء وولاده
ممتـــــــــــــــــــــــازه والله روحي وماراح تخسرين شي
انا اعاالج عندها