يا بنات عيالنا ياكلون مواد مسرطنه عند البائع المتجول

السلام عليكم ورحمه الله اليوم رحت انا وامي نتمشاء رجليه اخذت عيالي معي ودخلنا المحل وشرينا اغراض وهاذا المحل كبير وبعد ما خلصنا جلسنا انا وامي علي الكراسي الي برا قالت بنتي الصغيره ماما ابي بطاطس قلت طيب بس وينه الي يبيع واشرت بنتي الصغيره عليه وش اقولكم يا بنات العربيه عباره عن خشب وسخ سوا منه عربيه فيه محل للقدر الي فيه الزيت ومحل يحط فيه البطاطس اذا خلص وتدرون وين يحطه لزبون يحطه بكيس شفاف والبطاطس حار يعني المواد المسرطنه الي صنع منها الكيس ذابت واختلطت بالبطاطس والكتشب وعيالنا يا عزي عنهم حوله يشترون وياكلون قلت لامي انا رح اكلمه قالت امي ياوليدي لا تقطعين رزقه قلت يمه وعيالنا والمواد المسرطنه عاد ما قدرت استحمل جيته وقلت له بكم البطاطس قال الكيس الصغير بخمسه قلت له انت ما تخاف من الله انت تاكل عيالنا هالمواد المسرطنه زين حار مع كيس شفاف مع ابخره شي يحزن قلت له على الاقل حطه في اي شي غير البلاستيك قال والله الزباين يطلبون كذا طبعا هاذا كلام فاضي محد يبغاء الامراض قال لي علشان يرقعها حتي انا اكله كذا قلت قلعتك كله علشان تموت لكن الناس والزيت يا بنات الي يقلي فيه الله العالم كم مره قلي فيه قلت انت انسان ترزق الله ومابي اقطع رزقك لك صلح وضعك وخاف من الله والله لو اكلم البلديه تقشك انت وعربيتك هو كل يوم علي هالوضع انا اشوفه اذا رحت بنده وش رايكم اكلم البلديه او اسكت وماعلي من احد بس والله ضميري معذبني ابي المشور