يا بنات في شي في بيتكم .. ضروري تهتمون له

سلام عليكم

كيفكم حبوبات :)

اسمعوني عزيزاتي ..

في شي لازم كلنا ننتبه له ..

و هو ملابس الصلاة يا بنات ..

اسالوا نفسكم كيف تقابلون ربكم

هل هناك لبس مرتب و نظيف للصلاة

هل تصلين في الملابس اللي تقعدين فيها طول اليوم في المطبخ و التنظيف ..

تخيلي قالوا بيجوكم اليوم ناس

أول شي بتسويه بتبدلين ملابسك إلى ملابس نظيفة و مرتبه مب شرط كاشخة

طيب كم وحده فينا عطرت ملابسها الخاصة بالصلاة و دخنتها

معقول و لا مرة دخنا ملابس الصلاة :(

زين ليش ما نحاول ندخنها و نعطرها لأننا نظهر نوع من الإهتمام في الصلاة اللي هي عماد الدين ..

في شي ثاني ..

كيف احنا واقفين ننصلي

معقول أسنانا ما نظفناها .. كله بقايا طعام

لا يا بنات ما يصير .. لازم نغسل أسنانا و تكون نظيفة استعداداً للصلاة على الأقل كم مرة في اليوم مب بس مرة في اليوم في المساء فقط .. و لا حتى نسوي لنا مسواك


و عيالك كم عمرهم .. 10 سنوات .. توك تذكريهم يحافظون على الصلاة ..

زين الرسول صلى الله عليه وسلم أمرنا بتعليم أبنائنا من سن سبع سنوات و نضربهم لعشر

بس اللي يصير اننا ننتظر لين ما يصير عمرهم 10 سنوات و بعدين نحاسبهم ليش ما حافظوا على صلاتهم و نضربهم

مع اني سمعت الشيخ يقول لو حافظ الطفل على الصلاة من سن سبع سنوات بيكون محافظ عليها في سن العاشرة و لن يحتاج للضرب و الله أعلم

و بنتك الصغيرة .. خصصتي لها سجادة تصلي عليها و حطيتيها جلال صلاة ..

خلونا نحسس الصغار بالمسؤولية تجاه الصلاة و نتذكر كيف أهالينا علمونا و ربونا على الصلاة ..

الطفل اذا حس بالمسؤولية خلاص ما بيقدر يفرط في صلاته ..


و الله يهدينا يا بنات جميعا و يغفر لنا و يصلحنا