يا بنات كل وحدة تدخل تكتب مشكلتها مع الحمل

حبيبتي انا مشكتي انا وزجي عدد الحيوانات قليل بالعشرات واحيان اقل وسويت عملية اطفال الانابيب 3 مرات ومانجحت ان شاء الله ربنا يعوضنا
انتي ايش عندك

جزاك الله خير وش نكتب وش نخلى انا قصتى بدت من 20 سنه ومازالت ولله الحمد والمنه يعنى انا صرت الاقدم من حيث التجارب في الابر والمستشفيات والتلقيح الصناعى والحقن الجهرى انا ودى اتكلم بس خايفة يحبط الاجر لانى والله عمرى متكلمت مع احد فى هذا الموضوع وانا اتصفح بستمرار بس اول مرة اكتب

حياتي انا اول متزوجت جلست سنتين ماافكر في الحمل وبعدها رحت المستشفى وسويت كل التحاليل وطلع عندي هرمون الحليب مرتفع وهذا الي اخر الحمل واخذت الدواءلمدة 3شهورونزل الحمدلله وبعدها نظمت الدوره3شهور لانها مو منتظمه مررررره وبعدين اخذت كولميد5ايام كان في نهاية السنه الثالثه طلعت حاااامل وجبت ولد الله يحفظه وذحين بعد ثلاث سنين نفسي احمل واجيب بنوته رحت للدكتوره وسويت تحاليل قالت كل شي سليم مع اني مااستخدمت موانع للحمل بعد ولادتي ويارب يرزقنا الذريه الصالحه

اختي انا مشكلتي عندي تكيس ع المبايض + التبويض ضعيف
يعني لو ماأخذ منشطات يكون اكبر حجم بويضه ممكن تحصلها مقاسها 5

وش نقول ووش نخلي ...الموضوع ذا تكرر كثيرررر... لدرجة احس البنات طفشو وهم يكتبو قصصهم..
ما بقولك جيتي على الجرح لا ولله الحمد هذي ارادة رب العالمين واللهم لا اعتراض لقضاءك
بالنسبة لي عيوني...خمس سنوات زواج بدون اطفال ... بدون استقرار في الحياة الزوجيه..
مافي مشاكل عندي ولا عند زوجي والحمد لله له الفضل والمنه ...حاولنا حاليا انا وزوجي نستقر مع بعض واللي علينا نسويه والباقي على رب العالمين الكريم الرحيم
هذي كل قصتي باختصاااااار
دعواتك
شوق