السلام عليكم ورحمة الله
صار لي فترة ما دخلت هالقسم واذا قريت اسمه من الصفحة الرئيسية جاني تكة خلق...:icon33:
بقولكم ليش..
لاحظت ان القسم كله تحول لمواضيع فيها مشاكل للعضوات وفيها مبالغات رهيبة..
تدخل الوحدة وتكتب موضوع وش طوله وبالنهاية اتفاجأ بأن مشكلتها عن ام زوجها ما تحبها
والثانية رجلها ما يبادلها هدايا..!!:arb:
والثالثة تقوم الدنيا ولا تقعدها وتبي تتطلق عشان رجلها ما يعطيها مصروف بيدها ويقولها اذا بغيتي اطلبي!!
طيب وش الجديد ؟؟ كل الزواج والحياة بصفة عامة فيها زين وفيها شين ..وكل هالمشاكل او اغلبها موجودة عند ناس كثير وعايشين..وما اعتبروها مشاكل..
يوم لك ويوم عليك..
ليش ما نفكر بنفسيات الي يقرون هالحكي ..المرة ضعيفة ..يمكن هي تمر بنفس الشي وما تحس انه مشكلة ولكن بمجرد ما تقرا شي زي كذا ..
تبدا تفكر وتتذكر مواقف عشان تقلبها هوشة مع زوجها عشان تحس انها مثل غيرها ما انلعب عليها..:(ويمكن يلعب عليها الشيطان ويخلط عليها امور يخليها تعيش دور صاحبة البطولة..قصدي المشكلة وتتضايق من زوجها بدون سبب فعلي..:angry:
والله ما ارحم الا البنات الي ما تزوجوا بيتعقدون من هالقصص الي احسها ما تستاهل املأ صفحات عشانها ..
لاحظت اذا صرت بجمعا وفيهابنات ما تزوجوا كلامهم كله سلبي عن الزواج..واذا تكلمت وحدة من الحاضرين وقعدت تحش بزوجها وتتشكى صارت وجيه ذا المسيكينات تتقلب الوان!!
وما ينلامون بصراحة
بعض الردود تلاقين بعض العضوات ترد على الموضوع الي فيه مشكلة زوجية برد قاسي وتبدا تحرض صاحبة المشكلة على زوجها وبالنهاية اكتشف انها ما تزوجت اصلا...:angry2:
طيب هي ليش عندها ردة هالفعل العنيفة الا من خلال ما تسمع يوميا في بيتهم سواء من امها او اخواتها..
او في المدرسة من زميلاتها المتزوجات..
او في هالجمعات الي تضيع الاوقات بالساعات والحريم يتسابقون فيها من تتصيد على رجلها واهل رجلها اكبر عدد من الاخطاء..
واذا اعرست هالبنية كان اول هدف حاطته ببالها وشلون تسيطر على رجلها وتخليه خاتم باصبعها؟!:09:
اكيد بتقولون وش دخلك ووو من هالكلام والقسم مفتوح لهالشئ؟
.صح بس فيه مشكلات فعلا احس انها مشكلات..
وتكتب صاحيتها بقدر الحاجة عشان الاجابة وبدون مبالغات
مرة كنت اتكلم مع وحدة وقعدت تسب في اهل زوجها وزوجها بكلام جارح وكانت تبي الطلعة من بيت اهل زوجها قلت لها الله يعين بس تراك غلطانة لان طلعتك ماهي نهاية لمشاكلك ولا حل لها ..لان مشكلتها مثل ما فهمت عدم توافقها مع زوجها بكل النواحي ولا بينهم تفاهم..
قالت ايه تقولين هالكلام لانك مرتاحة وما عندك مشاكل!!
يعني هي حكمت علي لاني ما اتشكى عليها !!
يعني صاروا الناس يحسدون بعض على مقدار صبرهم!!
الي ما تتكلم على كل من هب ودب ..ولا تدخل الناس بمشاكلها اصبحت بنظرهم مسيطرة على رجلها وحظها قوي..
لدرجة ان وحدة تقول لازم اتكلم كذا بالمجالس واسب عشان يدرون الناس ان عندي مشكلة وما يحسدوني..
:42:
واخيرا..
احب اقول لكل بنت ما تزوجت لا تهتمين لمثل هالكلام
الكلام الي يسدون بعض العضوات فيه نفسك عن الزواج مبالغ فيه على ضمانتي..صحيح فيه حالات مشاكلها قوية.. وفيه حالات تمر بمشكلات بفترة من حياتها وبعدين تتصلح امورها..
بس لازم نعرف ان المشاكل سبب قوي لاستقرار الحياة لاننا نتعلم منها اخطائنا
والواجب نستغلها لصالحنا وما نخليها سبب لهدم حياتنا..
ولا تنسين ان المؤمن مبتلى..والصبر لا ياتي الا بخير..:26:
فائدة
تعلمت من خلال مشكلاتي التي مرت علي ان كثرت الكلام بالزوج واهله لا تاتي الا بنتائج عكسية وشحن النفس عليهم.. وزيادة الاحقاد وعدم التوفيق من الله..
جعلت الصمت شعاري الا كاستشارة او فضفضة لاخت اتوقع منها النصيحة الصادقة وليس الشحن السلبي..
وما لقيت من يحل لي مشاكلي الا رفع يدي لخالقي.. فهو الكافي الشافي المعافي وتنحل مشاكلي وبدون ما تطلع اسراري من بيتي..
وبكذا ارتاح من الاحساس بالذنب... واريح الخلق من لساني..:icon28:
ارجو من كل عضوة التفاعل مع هذا الموضوع وابداء الرأي..
جرح ورا جرح @grh_ora_grh
كبيرة محررات
يلزم عليك تسجيل الدخول أولًا لكتابة تعليق.
ro0oze
•
سكر يااااااااااااااااااااا سكر
بس في بعض المشاكل تكون صج بدون اي اضافات او مبالغة
والعضوة منا تحط مشكلتها للفضفضة واخذ الاستشارة ,, ومالها بعد الله الا خواتها في المنتدى
ولازم في كل شي فيه الزين والشين ,,, اصابعك مووو متساوية
بس في بعض المشاكل تكون صج بدون اي اضافات او مبالغة
والعضوة منا تحط مشكلتها للفضفضة واخذ الاستشارة ,, ومالها بعد الله الا خواتها في المنتدى
ولازم في كل شي فيه الزين والشين ,,, اصابعك مووو متساوية
كلامك سليم100%
درر يآآآآ جـــرح
وصااااادقين اخواننا المصريين بمثل عندهم
" دآآآآري على شمعـتك تأيــــد"
الوحده تدآآآآري بحيااااتها قد مااااااتقدر
والحيآآآآآآآآه ,,,,,,,, مـمــــر,,,,,,,,,,
درر يآآآآ جـــرح
وصااااادقين اخواننا المصريين بمثل عندهم
" دآآآآري على شمعـتك تأيــــد"
الوحده تدآآآآري بحيااااتها قد مااااااتقدر
والحيآآآآآآآآه ,,,,,,,, مـمــــر,,,,,,,,,,
ماشاء الله عليك جروحة كلامك والله درر............نعم احيانا الوحدة يفيض بها وتنفجر على اتفه سبب وتجي تفتح موضوع على شي تافه واحيانا تكون صابرة على بلاوي ......
وعلى قولتك كثرة التشكي تنكا الجرح على صاحبته اولا ,,ثم تفسد العلاقات اكثر.......
وعلى قولتك كثرة التشكي تنكا الجرح على صاحبته اولا ,,ثم تفسد العلاقات اكثر.......
الصفحة الأخيرة
وبالنسبه للي تسب خوفا من الحسد يييييييييييياكثرهن ياوخيتي يمه منهم
والبنات اللي يصدقون انا اولهن كل همي قبل اعرس وشلون اخليه خاتم باصبعي وشلون اربيه على قولت الحريم خخخخخخخخخ
بس احس انك مبالغه شوي لان فيه بههالدنيا بلاوي ومشاكل تششششيب الراس