مشكوره اختي كلبوزه صراحه اقتنعت اني مابشتريه خلاص خصوصا اني شايفته من زمااااااااااااان بالدايسو وماخذيته فكرته يوخر العوار وبس بس شكيت من كلام وحده من الخوات تقول اهو فيه اعشاب يعني ممكن نصب عليه ماي يطلع نفس الشي وافتكر طول الليل محطوط تحت الريل الريل تعرق يطلع منه هالماده يعني ماافتكر الا انها نصبه والله اعلم وبعد ماقريت عنه بالمواقع اللي حطوها تشجعت اشتري بس الدكتور ظلام ليش حاطه بالموقع ويسوق له انا صراحه ماعجبني الحركه اللي مسويها حسيت فيها تجاره مو فايده للناس بس لمن قريت كلامج خلاص صرفت نظر مره وحده
وعلى فكره دايسو يبيع اغراض كل دول شرق اسيا المميزه اللي عليها طلب كبير هذا اللي اعرفه ولانه يشتريها بسعر جمله مميز لانه عنده افرع وايد بكل الدول تقريبا فلهذا السبب اسعاره رخيصه وترا مو كل شي بالدايسو يستاهل في شغلات متوفره في ابو اميه وفي شغلات مو مستاهله سعرها

اخت كلبوزة مشكورة على ردج وممكن تكون هذي وجهة نظرج عموما انا مالي اي علاقة مباشرة بالوكيل لاني اخذها من احد الاشخاص اللي يستلمها من الوكيل وابيعهالكن مااقدر اشكك في مصداقيتها لان بشوفة عيني كانت في وحده ماتقدر تمشي زين على رجلها تؤلمها وبعد فترة اختفى الالم من رجولها وتمشي تماااااااااااااام

يعني بصراحه

لابكذبك

ولا باصدق المنتج

لكن عن نفسي مقتنعه فيه قولي ليش

لان مجرد مااحطه على رجلي ابدا احس بحرارة اوكي ممكن تقولون في اعشاب حارة

لكن ايضا تحسين بالم في الرجل وكان احد يسحب من داخلها شي واتوقع اللي جربها لازم يكون حس بالشي هذا
عموووووووووووووووووووووووووووووومااااااااا

انا لست الا مجرد بائعة انقل اليكم ماقرأته وماسمعته عن هذه اللصقات يعني ماارتجي من وراها شي وسلامتكم

حبيباتي شوفوا انا اليوم كلمت اللي يوزع المنتج قلت شسالفة هذول اللي يبيعون المنتج على نص دينار وليش اهما رخيص وانتوا غالي قال هذول مسوين تقليد عن المنتج الاصلي

فما منه اي فايده عشان جذي يبيعونه برخيص يربحون والناس اللي خسرانه وقال رفعنا عليهم شكوى مادري قضيه وحاسبناهم

قال اما احنا فالموزعين للمنتج الاصلي بالكويت وال10 حبات ب15 دينار

وقال دخلي على الموقع مال اللصقات بتلاقين سعر اللصقه 5 دولار يعني مجموع ال10 لصقات بنفس سعر اللصقه الوحده بسعرها الاصلي

ويطلعون كلهم ب15 دينار وعليج الحسبه

وقال ان شالله بوصلها لي اليوم بعد العشا وشكله واثق بكلامه

وانا حاسه ان تستحق الاهتمام واتعرفون كل منتج في تقليد واصل!

عالعموم آنا بجرب واعطيكم الخبر اليقين خلال ايام معدوده :)

بنات جربتها وانصدمت من السائل اللزج اللي طلع من ريولي ! الصبح

والنتيجه حلووووه احس ريولي مرتاحه الحمدلله :)

والله انا اللي عندي قلته وما اقدر اغصب حد يشتري او لا لان فقط كتبت الموضوع من وجهة نظري ..
بعدين كل وكيل يتفلسف ويقولج هذا تقليد ليش علشان يروج لمنتج الشركة ..

والله وراء القصد ...