ام الامامير
بصى يا ستى
اذا عندك علاج قولى لى انا مدمنه اشغال يدويه بانواعها وكتب طهى يالا الحمد لله ربنا يعينى وابطل اصرف بالشكل ده الواحد المفروض يحط فلوسه فى الصدقه لو زادت عن حاجته فهى بنك الاخره
بصى كمان فيه راجل فى اول شارع سليمان عند مخبز كريستال عارفه وانتى رايحه قصر النيل من التحرير على الناصيه عم عبده ده هتلاقوا عنده بوردا للتفصيل وكان عنده اعداد انا على فكره بس خلصت للاسف بس ممكن من حين للاخر تلاقى عنده اعداد كويسه
عايزه اقلكم على الاسعار
البوردا القديمه قوى مش اكثر من 5 جنيه بس ما انصحش بشرائها الا اذا تحبى استعمال البرودرى الى فيها
البوردا الى فى التسعينات لغايه السنه الى فاتت هتبقى ب 10 جنيه وعافرى معاه ينزلها الى 7.50 احسن
البوردا الجديده يعنى بسعرها العادى
وهتلاقوا دلوقتى بوردا 2005 عنده ان شاء الله

فيه حاجه كمان ام يوسف كانت قالت لى على خريطه الازهر اذا هى لسه بتدخل الموضوع ممكن تقولى لنا على الخريطه دى يا مروه اذا سمحتى؟

عايزين نتبادل اسعار الحاجه والمحلات الرخيصه والغاليه عشان ما حدش يضحك علينا
على فكره كمان من معلوماتى ما حدش يا بنات يروح النمرسى الى فى المهندسين موووووووووووولع بدون داعى

شكرا لصاحبه الموضوع

نفس المشكله عندي يا هبه ونفس الراجل بشتري منه اللي قبل بنتريمولي بتاع الاثاث بس ليه نمرسي المهندسين وفيه نمرسي الموسكي وارخص بكتير واللي يلاقي علاج يقولنه

طيب انا جيت اهو هاعمل الخريطه على رواقه وانزلهالكو باذن الله

ربنا يخليكى يا ام يوسف كتر خيرك

جزاك ا لله كل خير يا ام يوسف