ام يوسف اشرحيها بالكلام كتابه يعني ينفع ولا صعب:icon33: :icon33: :icon33: حاولي ارجوكي

حاضر يا ام المامير بس كده انتي تؤمري
بصي يا ستي
انتي عندك شارع طويل اوي اوي بتاع الازهر والحسين ماشي الشارع ده اوله كوبري للعربيات واخره مستشفى الحسين فيه طريقين لو معاكي عربيه
يا اما تطلعي الكوبري بالعربيه وده هاينزلك قرب اخر الشارع
يا اما تلفي من تحت الكوبري وده هايخليكي تمشي في كل الشارع من اوله لاخره
خلينا من الطريق التاني واشرحلكوا هتلاقوا ايه كل ما تمشوا
اوك يعني احنا دلوقتي ماشيين من تحت الكوبري
هتلاقوا في الاول محلات اجهزه كهربائيه وتليفونات كتير على اليمين والشمال وبعدين تفضلوا ماشيين هتلاقوا محلات لشنط السفر عل اليمين وعلى الشمال وبعدين هاتفضلو ماشيين لحم دا تلاقوا مفترق طرق والطريق قدامكوا بقي 4 يعني يا اما تمشي على طوب او تدخلي يمين او تدخلي شمال
ندخل يمين الاول هتلاقي ايه هتلاقي محلات على الناصيه بتبيع شوية اكسسوارات للستاير وكمان الفوم بتاع المخدات والالحفه والناحيه التانيه شركة الهلال والنجمه بتاعة البلاستيك وجنبيها بأه كل انواع البويه اللي ممكن تتخيليها وباسعار مختلفه تماما عن المحلات
ماشي ده لو دخلنا يمين
طيب لو دخلنا شمال بأه هتلاقي كوبري
ماشي الشمال ده بأه شارع كبير اوي
على اليمين هتلاقي سارع ضيق جدا اسمه جوهر القائد
الشارع ده مليان ادوات مكتبيه وهدايا ومستلزمات المكاتب ووووووووووكله بسعر الجمله
والشارع ده اخره ........ركزوا معايا كده .........اخره بيوصل على الصاغه والحسين مركزين اوعو تتوهوا
الشارع ده لما تمشي فيه هتلاقي فتحه على ايدك اليمين قدام شويه الفتحه دي توديكي على حمام التلات حمام التلات ده مليييييييييييييييييييييييان للعرايساللي بيجهزوا كل حاجة المطبخ وبرضه باسعار حلوه اوي بس لازم تفاصلي طبعا
جميل
اما بقى لو دخلتي اول شمال
ركزوا اول شمال
حاره صغيره جدا جدا جدا
اسمها حارة اليهود
دي بأه فيها العجب كل ديكورات البيت
حاجات كنت بالقيها في الفا ماركت بمبلغ وقدره هتلاقيها هناك بنص السعر بس امشي فيه شويه وانتي هتلاقي حاجات كتييييييييييييييييير جدا وبراويز وساسعات وكل حاجه بس اوعوا تتوهوا
خلاص كده خلصنا شارع جوهر القائد والله شكلكوا هاتوهوا مني
المهم ده لو كنا دخلنا يمين
اما لو دخلنا شمال وعلشان تتدخلي شمال لازم تعدي من تحت الكوبري علشان الشارع اللي في النص مقفول بسور
هتلاقي الموسكي
على اول الناصيه هتلاقي شركة اسمها الوفاء والامل او النور والامل حاجه كده دي عندها خيوط مصر البيضا وخيوط كروشيه وتطريز وعيشه بس كله بالجمله وزراير كمان وبعدين لما تدخلوا يمين هتلاقوا كل مستلزمات الخياطه من سوست لخيوط لكل حاجه وقدام شويه في النمرسي بس اسعاره غير بتاع المهندسين
ماشي معلش هاشوف يوسف وارجعلكوا

انا جيت
وصلنا لحد فين اه الموسكي المهم كده يبقى خلصنا يمين شارع الازهر وشمال شارع الازهر
نيجي بأه لو مشينا على طول
استنوا متمشوش بسرعه لان يعد ما تمشوا قدام شويه كده هتلاقوا شارع ضيق على ايديكو اليمين الشارع ده مليان اقمشة تنجيد وكمان قماش ملايات ولو دعبستو كده وخرمتو شويه كمان او سالتوا فين الاقمشه الحريمي هتلاقي كده حارات صغيره شويه مليانه اقمشه حريمي ورجالي وبسعر الجمله برضه ارخص من الوكاله وكمان هتلاقوا اقمشه رجالي كويسه هتلاقوا الصوف اللي بيتباع المتر في عمر افندي ب70 وب 80 جنيه هتلاقوه هناك ب 30 جنيه
ماشي
المهم نطلع بره تاني على الشارع وافضلو ماشيين هتلاقوا على الشمال ناس كده بتبيع الحفه وستاير وفيه فتحه هناك بتدخلك على حمام التلات تاني
افضلو ماشيين احد ما هتلاقوا على ايديكو اليمين حته اسمها الغوريه
عندها كوبري بتاع مشاه
لو انتي على اليمين وعديتي الكوبري ده ونزلتي الناحيه التانيه اول ما تنزلي
هتلاقي محل كبيييييييييير بتاع خرز وترتر
مليان خرز وترتر كل الاشكال والالوان والاسعار بالجمله تحفه وكمان عنده خيط حرير واحيا نا بيكون عنده خيط مصر البيضا
بس كده
انا نفسي اتقطع
حد فهم حاجه
؟؟؟؟؟؟؟؟؟؟؟؟؟؟؟؟؟؟؟؟؟
لو مش فاهمين نعيد تاني
لا استنوا افتكرت حاجه كمان
عارفين جراج العتبه مش فيه تحتيه ناس بتبيع ساعات وموبايلات وكده
افضلي لفي مع الجراج هتلاقي محل بيبيع خيوط حرير لتطريز المكن وكمان قماش ايتامين وكمان مستلزمات الخياطه وكمان حاجات مستوره جاهزه للشغل خداديات وكالام من ده
بسسسسسسسسسسسسس كده
لحد هنا وانتهت معلوماتي
يارب اكون قدرت افيدكو

افدتينا ونص وتلات تربع كمان وحسستيني اني ما شيه علي رجليه هناك اه يا ام يوسف منها لله الغربه الله يجعله في ميزان حسناتك وسلامي ليوسف:)

ام الامامير يوصل سلامك ان شاء الله ومتخليش الغربه تاخد منك
وياريت لو حد عنده خريطه بقى تنفع في كندا يبقى يقوووووووووووووووول