يا بنات مكة بليز ساعدوني ( نفسيتي محطمة )

السلام عليكم و رحمة الله و بركاته

يا بنات انا حدخل في الموضوع على طول

فرحي حيكون بعد 3 اشهر ان شاء الله و نفسيتي جدا متحطمة و الله حتى زوجي

صرت اتوتر لما اسمع نغمته ع الجوال

بجد بجد حااااااااااايسه و مو عارفه من وين ابدأ

و اللي زاد و غطى اني اول وحده تتزوج من عيلتنا و بنت وحده فالعيلة ( الباقي كلهم اولاد )

يعني مااااااا في خبرة و مافي أحد يساعدني ما في غير ماما الله يعطيها الصحة و العافية

و الله ما عرفت قيمة الاخوات الا دحين لاني من اول عايشة عادي و مأقلمة نفسي على عيشة الاولاد لكن دحين !!!

لا و لسا باقي ما خلصت دراستي يعني الترم التاني حيبدأ و ما حكون فاضية انزل السوق كل مرة

اذا تعرفوا اماكن في مكة او جدة يعملوا فساتين الزفاف يا ليت تعطوني اسماءهم

و اذا تعرفوا كوفيرات يجوا للبيت يكون شغلهم حلو يا ليت ما تبخلوا عليا

و حابه اسألكم كمان اذا تعرفوا وحده ثقة تجي في البيت تعمل حمام مغربي و دلكة اكون جدا شاكرة

بليز يا بنات لا تطنشوني انا اعتبرتكم اخواتي قلا تخيبوا طني فيكم