يا بنات مين سافرت الهند تساعدني؟

الهند اكيد طبعا رحنالها كذا مره بلد عجيبه غريبه حلو انج تستكشفينها بس تكونين جاهزه لكل شي

لانها بلد العجايب لكن انتي ما حددتي اي بلد فيا لانها وايد كبيره

شوفي مثلا بمبي حلو تتسوقين فيها والعلاج بعد عندهم وايد زين
دلهي العاصمه جوها يختلف عن بمبي لانها اكبر واضخم وسوقها بعد ضخم لكن اكثر شي يناسب الاجانب

اما سوق بمبي فيناسب العرب اكثر

بنقلور بلاد مختلفه عن بمبي وعن دلهي فيها مراكز تسوق كبيره وعندهم كل الماركات المعروفه واسعارهم غاليه وفنادقهم نار
لكن سوقهم روعه

ميسور حلوه لانها تعتبر كأنها حديقه كبيره وفيها مناظر خلابه

اوتي طبعا روعه لنها منطقه بارده وفيها مزارع الشاي

لكن لو انتي متعوده على اوروبا اعتقد الهند ما بتناسبج خصوصا اذا عندج يهال

اتمنى معلوماتي البسيطه تفيدج

:26: ضـوء القمـر

مشكوورة يا عسل على الرد .
طيب عندي اسأله لكي يا ليت تساعديني فيها
الحين احنا عايله مكونه من 7 اشخاص اللي مسافرين يعني انا واهلي
(على فكره انا لسه مخطوبه ماعندي اطفال :27: )
احنا اخترنا الهند لانها قريبه ورخيصه اتوقع تناسب لعايله كبيره بس هذي تعتبر اول مره لنا فايش تنصحينا نروح في الهند نبغى مدينه حلوة وجوها حلو وطبيعتها حلوه وفي نفس الوقت فيها اسواق يقدر يشتري منها الواحد ويتسوق الاشياء الغريبه اللي ماهي عندنا.
وهذي اسأله عامه كمان معليش جننتك :D
كيف مستوى نظافة البلد والأكل؟
هل فيها ملاهي ومنتزهات ترفيه حلوة؟
كيف وضع الأكل؟

معليييش اعذريني حبيبتي بس ما بقى غير كم يوم على الاجازة ولسه ما قررنا
وعلى فكره في ناس كمان نصحونا بكولومبو سيريلانكا هل هي احسن ولا الهند؟

ولكي مني كل الشكررر ياقمر

الهند حلوووة طبيعة وأمطااار وخاااصة إذا أنتم جمعة

بس كيف مستوى نظافة البلد والأكل؟

قرف هذا أشين مافيها يعني أحسن فندق فيها قرف بس خوذو كل شي معكم

مفارش بطانيات أكل أحسن لكم لأنها طبيعة تاخذ العقل بس مثل ماقلت قرف

هل فيها ملاهي ومنتزهات ترفيه حلوة؟

إيه فيه منتزهات وملاهي حلوة

كيف وضع الأكل؟

عادي مطاعمهم الناس تمدحها بس ماأنصحك أحسن تأخذين أكلكم أظمن..

تحيااااتي

اذا جذيه بمبي زينه لكن جوها يعتمد على حسب اي شهر انتوا بتروحون

لانها احسن شي تكون في الصيف يعني من شهر 7 وطالع

اما السوق طبعا لاتسألين لان الاغراض اللي عندهم روعه
عندهم فنادق خمس نجوم والاكل نظيف وروعه

وعندهم بعد فنادق اربع او 3 نجوم لكنهم وسخين
لكنها عموما ما تنفع للسياحه لانها بلد مكتضه وزحمه ولو بغيتي تروحين حديقه او سينما بتهلكين من الزحمه والريحه

وسيريلانكا صراحه ما سرت لها ولا اعرف عنها شي بس يقولون ان مصانع الماركات عندهم وبضايعهم رخيصه

او ممكن تجربون بانكوك او ماليزيا بانكوك للسياحه افضل من الدول الاوربيه لكن جوهم

مب بارد يعني تعرفين الدول الاسيويه

وماليزيا دوله مسلمه ونظيفه والاكل عندهم كله حلال وسوقهم روعه ومب غاليه

moobdah :26:
ضوء القمر :26:

الله يعطيكم العافيه
ومشكووووريييييين على الافادة :26: :26: