أختي قهوة بالحليب

محد تكلم عن التبرج..

والموضوع عبارة عن الموضة والموديلات الجديدة اللي تنزل ..

وبالذات في الشيل.. يعني شي يكون مستور تحت النقاب والغشوة

وين تحريم الاسلام يا أختي الكريمة

؟؟؟؟

المزيونة ، صاحبة الموضوع قالت ما نصه :

حبيت اذكركم بالشيله و العبايا خصوصا الحين موسم مناسبات و الشيله الراهيه ادل على صاحبتها.
و ياليت الي عندها موديلات ما تبخل على ربعها في المنتدي

يعني ذكرت الـ ( عباية ) وبعدين قالت اللي عندها موديلات فأنا تساءلت أي موديلات في العباية يعني ؟؟ أظن أي موديل في العباية يعتبر من التبرج .. وما أعتقد انها قصدت بالذات الطرح . أنتظر ردها وأتمنى تتفهم وجهة نظري !! .

أختي قهوة بالحليب

لا تنسين أيضا .. إنها في منتصف جملتها اللي نقلتيها قالت ( والشيلة الراهية ) ثم قالت (وياليت اللي عندها موديلات)

يعني ممكن يكون قصدها الشيلة (أحسنوا الظن )

كما انها قالت مثل ما قلتي(موسم مناسبات)

إحنا في الامارات ما نخلع العباءة في الزيارات وأيضا في الأعراس

واذا كانت العباءة على حد قولج متبرجة نلبس فوقها عباءة اخرى لما نحضر عرس

ولو تابعتي الردود لوجدتي أن الحديث كان عن الشيل

كما أن هناك موديلات في العباءة لا تتخالف مع شروط الحجاب :

أي أنها:

غير شفافة
غيرضيقة ولا تصف ملامح الجسم
لونها أسود وغير مبهرج
ولا تكون لباس شهرة


يا أخواتي .. لا تطلقن الأحكام الشرعية بدون رجوع إلى الدليل من الكتاب والسنة .. أو إلى المشايخ

ولا تعمموا الأحكام على كل الحالات

وعموما..أختي قهوة بالحليب

جزاك الله ألف خير

لأنني متأكدة من أنك تريدين مصلحتنا ومصلحة جميع الأخوات

ولا عدمناك أختاً نصوحة :)

و الله لو دريت ان الموضوع بيفتح علينا ها الباب ما كتبته ، و مشكورة اخت المزيونه على تفاعلج معانا ، و ما اعتقد يا اخت قهوة بالحليب اني قصدت التبرج في الشيله والعبايا ، انا قلت اخر موضه ، و ما طلبت من الاخوات اي شئ محرم بالعكس انا شجعت البنات على الاهتمام بالشيله و العبايا ( اي اساس الموضوع لبس ساتر) و ما نوهت في مجمل الحديث الى اي شي ضيق او شفاف او غير ساتر

هذا و جزاكم الله الف خير